வெள்ளைச்சோயாவை ஒரு பாத்திரத்தில் போட்டு தண்ணீர் ஊற்றி 8 மணிநேரம் ஊறவைக்கவும்.

அடுப்பில் ஒரு குக்கரை வைத்து அதில் ஒரு ஸ்பூன் நெய் ஊற்றி நெய் சூடானதும் பட்டை,கிராம்பு, சோம்பு, ஸ்டார்பூ, பச்சைமிளகாய், ஏலக்காய் போட்டு தாளிக்கவும்.

பிறகு நீளவாக்கில் நறுக்கிய பெரிய வெங்காயம் போட்டு வதக்கவும்.வதங்கியதும் தக்காளியை போட்டு வதக்கவும்.பிறகு துண்டு துண்டாக நறுக்கிய உருளைக்கிழங்கை போடவும்.

பிறகு அதில் வெள்ளைச் சோயாவை போட்டு வதக்கவும்.பிறகு மிளகாய்த்தூள், மல்லித்தூள், மஞ்சள்தூள் போட்டு ஒரு நிமிடம் வதக்கவும்.

பிறகு 2 டம்ளர் தண்ணீர் ஊற்றி தேவையான அளவு உப்பு போட்டு1 நிமிடம் கொதிக்க விடவும்.

தேங்காய் துருவல், சோம்பு,பட்டை, கிராம்பு, பொட்டுக்கடலை, பூண்டு பல் போட்டு 1/2 டம்ளர் தண்ணீர் ஊற்றி அரைக்கவும்.

குருமா நன்கு கொதி வந்தவுடன் அரைத்து வைத்திருக்கும் தேங்காய் விழுதை அதில் ஊற்றி 1 நிமிடம் கொதிக்கவிடவும்.

பிறகு குக்கரை மூடி 3 விசில் விட்டு 5 நிமிடம் சிம்மில் வைத்து பிறகு கொத்தமல்லி தழை தூவி பரிமாறவும்.சுவையான வெள்ளைச் சோயா குருமா தயார்.