முதலில் வெள்ளை கொண்டகடலையை 4-6 மணிநேரம் ஊற வைக்கவும். பின் அதனை குக்கரில், தேவையான அளவு தண்ணீர் ஊற்றி, சிறிது உப்பு, 3 கிராம்பு, 1 பிரியாணி இலை சேர்த்து,4 விசில் வந்ததும் வேக விட்டு இறக்கவும்.

ஒரு கடாயில் 2டேபிள்ஸ்பூன் பட்டர் சேர்த்து, நீளமாக நறுக்கிய வெங்காயம், நறுக்கிய இஞ்சி பூண்டு, பொடியாக நறுக்கிய தக்காளி சேர்த்து, மிளகாய் தூள், கரம்மசாலா தூள், மல்லித்தூள் சேர்த்து, 6 முந்திரி பருப்பு சேர்த்து வதக்கி, சிறிது தண்ணீர் விட்டு வதக்கி ஆறவிடவும்.

ஆறியதும் தனியாக விழுதாக அரைத்து கொள்ளவும்.

மறுபடியும் அதே கடாயில் 3 டேபிள்ஸ்பூன் பட்டர் சேர்த்து பிரியாணி இலை, 2 லவங்கம், 2 ஏலக்காய் சேர்த்து பின் அரைத்த விழுதை சேர்த்து, தேவையான அளவு உப்பு, தண்ணீர் விட்டு கொதிக்க விடவும்.

நன்கு கொதித்து, எண்ணெய் பிரியும் நேரத்தில், வேக வைத்த கொண்டக்கடலையை சேர்த்து வேகவிடவும். பின் 1 டேபிள்ஸ்பூன் கஸ்தூரி மேதி சேர்த்து சில நிமிடம் கொதிக்க விடவும்.

நன்கு கொதித்ததும், ஃபிரஷ் கீரீம் சேர்த்து இறக்கவும்.