2 கட்டு வெந்தயக் கீரையை கழுவி பொடியாக நறுக்கி எடுத்து வைக்கவும்.

கடாயில் 2 டேபிள் ஸ்பூன் பாசிப்பருப்பை சேர்த்து வறுத்து கழுவி, குக்கரில் 3 விசில் வேகவிடவும்.

15 சின்ன வெங்காயம், 8 பல் பூண்டு பொடியாக நறுக்கி வைக்கவும்.1 தக்காளியை பொடியாக நறுக்கி வைக்கவும். கடாயில் 2 டீஸ்பூன் நெய், 2 டீஸ்பூன் ஆயில் விட்டு,1/2 டீஸ்பூன் சீரகம், 1/2 டீஸ்பூன் கடுகு தாளித்து,1 டீஸ்பூன் உளுந்து பருப்பு,1 டீஸ்பூன் கடலை பருப்பு சேர்த்து தாளித்து, நறுக்கிய வெங்காயம் பூண்டு சிறிது நேரம் வதக்கி, தக்காளியை சேர்த்து வதக்கி விடவும்.

நறுக்கி வைத்த வெந்தயக் கீரையை சேர்த்து வதக்கி, 1/2 டீஸ்பூன் மஞ்சள் தூள்,1/2 டீஸ்பூன் சாம்பார் மிளகாய்த்தூள், உப்பு சேர்த்து சிறிது தண்ணீர் விட்டு வேகவிடவும்.

நன்கு வெந்தவுடன் வேகவைத்த பாசிப் பருப்பை சேர்க்கவும்.

பாசிப்பருப்பை சேர்த்தவுடன் சிறிது வேக விட்டு நன்கு கலக்கி, ஒரு கிண்ணத்தில் எடுத்து வைக்கவும். சுவையான வெந்தயக்கீரை பாசிப்பருப்பு கூட்டு ரெடி😋😋