முதலில் சிக்கனை நன்றாக சுத்தம் செய்து அதில் ஒரு ஸ்பூன் மஞ்சள்தூள் அரை ஸ்பூன் மிளகாய் தூள் ஒரு ஸ்பூன் சீரக தூள் சேர்த்து நன்றாக கலந்து விட்டு அரை மணி நேரம் ஊற விடவும் இப்பொழுது ஒரு குக்கரில் 5 விசில் வரும் வரை வேக விடவும்.

ஒரு மிக்ஸி ஜாரில்,இஞ்சி, பூண்டு, மிளகு, சீரகம், பச்சை மிளகாய் சேர்த்து சிறிது வெங்காயம் சேர்த்து நன்கு அரைத்து கொள்ளவும்.

ஒரு கடாயில் 2 ஸ்பூன் எண்ணெய் சேர்த்து அதில் பட்டை கிராம்பு ஏலக்காய் பிரியாணி இலை சேர்த்து வதக்கவேண்டும் பின்பு அதில் நறுக்கி வைத்திருக்கும் பெரிய வெங்காயம் பச்சை மிளகாய் சேர்த்து நன்றாக வதக்கவும்

இப்போது அதில் ஏற்கனவே அரைத்து வைத்த இஞ்சி பூண்டு, மிளகு, சீரகம் விழுதை சேர்த்து பச்சை வாசனை போக வதக்கவும். பொடியாக நறுக்கிய தக்காளி சேர்த்து வதக்கவும்.

பின்னர் வேகவைத்து எடுத்த சிக்கனை சேர்த்து வதக்கவும்.பின் மிளகாய் தூள்,மல்லி தூள், கரம்மசாலா தூள், சிக்கன் மசாலா தூள் சேர்த்து நன்கு கொதிக்க விடவும்.

சிறிது உப்பு சேர்த்து சிக்கன் வேகவைத்த தண்ணீர் விட்டு நன்கு கொதிக்க விடவும்.

வேறொரு பாத்திரத்தில் மாற்றி, கொத்தமல்லி இலை தூவி பரிமாறவும்.