அரைப்பதற்கு தேவையான பொருட்களை எடுத்துக் கொள்ளவும். வெங்காயம், தக்காளியை பொடிதாக நறுக்கி எடுத்துக்கொள்ளவும். சிக்கனுடன் தயிர் 1\4கப், மஞ்சள் தூள் 1\2ஸ்பூன், எலுமிச்சம் பழம் பிழிந்து அரை மணி நேரம் ஊற வைக்கவும். பிறகு தண்ணீர் விட்டு கழுவி எடுத்துக் கொள்ளவும்.

அடி கனமான கடாயில், நல்லெண்ணெய் விட்டு காய்ந்ததும், பட்டை, கல்பாசி பூ, ஸ்டார் பூ, சோம்பு சேர்த்து தாளிக்கவும்

பிறகு வெங்காயத்தை சேர்த்து பொன்னிறமாக வதக்கி தக்காளியையும் சேர்த்து மிதமான தீயில் நன்கு வதக்கவும்

தக்காளி, வெங்காயம் வதங்கிய கொண்டிருப்பதற்கு இடையில் கழுவிய சிக்கனில் மிளகாய்த்தூள், மல்லித்தூள், 1\2ஸ்பூன் மஞ்சள் தூள் சேர்த்து நன்கு பிசறி வைக்கவும். தக்காளி, வெங்காயம் நன்கு வதங்கிய பிறகு பிசறிய சிக்கனை சேர்க்கவும்

இதனுடன் இஞ்சி பூண்டு விழுது சேர்த்து 3 நிமிடங்கள் வரை கிளறிக் கிளறி விடவும்

பிறகு ஒரு கப் தண்ணீர் ஊற்றி, பாதி அளவு உப்பு சேர்த்து அதாவது சிக்கனுக்கு மட்டும் தேவையான அளவு உப்பு சேர்த்து அடுப்பை அதிக தணலில் வைத்து 15 நிமிடங்கள் மூடி வைக்கவும்

15 நிமிடங்கள் பிறகு திறந்து பார்த்தால் சிக்கன் முக்கால் பதம் அளவு வெந்திருக்கும்.

அரைக்கக் கொடுத்துள்ளவற்றை மிக்ஸியில் சிறிது தண்ணீர் சேர்த்து நன்கு நைசாக அரைத்து சிக்கனுடன் சேர்க்கவும்.

இப்போது பாதி அளவு உப்பு அதாவது கிரேவிக்கு தேவையான அளவு உப்பு சேர்த்து மீண்டும் மூடி 10 நிமிடங்கள் அதிக தணலில் வைத்திருக்கவும்

பத்து நிமிடங்கள் பிறகு திறந்தால் சிக்கன் முழுதும் வெந்து இப்போது சிறிது கெட்டி பதமாக இருக்கும். அடுப்பை மிகக் குறைவான தணலில் 5 நிமிடங்கள் வைத்து இறக்கவும். டேஸ்டியான, காரசாரமான, செட்டிநாடு சிக்கன் மிளகு கெட்டிகுழம்பு தயார்.