கடாயில் சிறிது எண்ணெய் விட்டு அரைக்க கொடுக்கப்பட்டுள்ள பொருட்களை சேர்த்து மிதமான தீயில் வாசனை வரும் வரை வறுக்கவும், பிறகு நன்றாக ஆறிய பிறகு மிக்ஸியில் சேர்த்து சிறிது தண்ணீர் விட்டு மையாக அரைத்து வைத்துக் கொள்ளவும்

மண்பானையில் எண்ணெய் ஊற்றி எண்ணெய் காய்ந்ததும் பொடியாக நறுக்கிய சின்ன வெங்காயம் சேர்த்து வதக்கவும் பிறகு இதனுடன் அரைத்து வைத்துள்ள கலவையை சேர்த்து எண்ணெய் பிரியும் வரை வதக்கவும் எண்ணெய் பிரிந்து வந்த பிறகு இதில் தக்காளி சேர்த்து தக்காளி மசியும் வரை வதக்கவும்

கழுவி வைத்துள்ள நாட்டுக்கோழியை சேர்த்து மிதமான தீயில் நன்றாக வதக்கவும் பிறகு இதில் மிளகாய்த்தூள், தனியாத்தூள், மஞ்சள்தூள் சேர்த்து பச்சை வாசனை போக மிதமான தீயில் வதக்கவும்.. (தயிர் சேர்த்து மிதமான தீயில் நன்றாக வதக்கவும் தயிர் சேர்ப்பதனால் நாட்டுக்கோழி பஞ்சுபோல் வெந்து வரும்)

இப்போது குறைந்த தீயில் வைத்து மூடி 15-20 நிமிடம் வைக்கவும்(தண்ணீர் விடத் தேவையில்லை நாட்டுக்கோழிகள் இருந்து வரும் தண்ணீர் போதுமானதாக இருக்கும்)

நாட்டுக்கோழி முக்கால் பதம் வெந்த பிறகு அரைத்த தேங்காய் விழுதை இதனுடன் சேர்த்து நன்றாக கலக்கவும் இப்போது 2 கப் தண்ணீர் சேர்த்து நன்றாக கலந்து கொதிக்க விடவும்

பச்சை வாசனை போய் எண்ணெய் பிரிந்து மேலே வரும் பொழுது நறுக்கிய கறிவேப்பிலை கொத்தமல்லி இலை தூவி பரிமாறவும் சுவையான அட்டகாசமான நாட்டுக்கோழி மிளகு குழம்பு தயார்