எக்லெஸ் ரெட் வெல்வட் கேக் (Eggless red velvet cake recipe in tamil)

ஒரு பவுலில் புளிக்காத தயிர் மற்றும் பொடித்த சர்க்கரை சேர்த்து நன்கு பீட்டரால் அடித்துக் கொள்ள வேண்டும்.

அதன் பிறகு எண்ணெய் சேர்த்து நன்கு கலந்து கொள்ள வேண்டும். பிறகு ஒரு சல்லடையில் மைதா மாவு, பால் பவுடர், பேக்கிங் பவுடர், பேக்கிங் சோடா மற்றும் உப்பு சேர்த்துக் கொள்ள வேண்டும்.

பிறகு கோகோ பவுடர் சேர்த்து நன்கு சலித்து மாவை நன்கு கலந்து கொள்ள வேண்டும்.

அதன் பிறகு காய்ச்சி ஆற வைத்த பாலை இரண்டாக பிரித்து சிறிது சிறிதாக சேர்த்து நன்கு கலந்து கொள்ள வேண்டும். நன்கு கலந்தவுடன் வெண்ணிலா எஸன்ஸ் மற்றும் சிகப்பு ஃபுட் கலர் சேர்த்து நன்கு கலந்து கொள்ள வேண்டும்.

கலந்த மாவை கிரீஸ் செய்த இதய வடிவ கேக் பேனில் மாற்றி 180 டிகிரி செல்சியஸில் கன்வென்ஷன் மோடில் 45 நிமிடங்கள் வேகவைத்து எடுத்து 10 நிமிடங்கள் ஆறவிட்டு ஒரு தட்டில் மாற்ற வேண்டும்.

கேக் ஐசிங் செய்வதற்கு பவுல் மற்றும் பீட்டரின் கம்பிகளை அரைமணிநேரம் பிரிட்ஜில் வைத்து எடுத்துக்கொள்ள வேண்டும். பிறகு ஒரு கப் விப்பிங் க்ரீம் சேர்த்து ஹேண்ட் பீட்டரால் ஸ்டிப் பீக் வரும் வரை நன்கு அடித்துப் கொள்ள வேண்டும். பிறகு கேக்கை இரண்டாக வெட்டி கொள்ள வேண்டும்.

ஒரு லேயர் கேக்கில் சற்கரை பாகு ஊற்றி கொள்ள வேண்டும். பிறகு அதன் மேல் கிரீமை தடவிக்கொள்ள வேண்டும். மற்ற லேயரையும் இதேப்போல் செய்து கொள்ள வேண்டும்.

1 மணிநேரம் பிரிட்ஜில் வைத்து எடுத்துக்கொள்ள வேண்டும். மீதமுள்ள கிரீமில் வேண்டிய கலரை சேர்த்து கலந்து கொள்ள வேண்டும். பிறகு விருபத்திற்கு ஏற்றார் போல் டிசைன் போட்டு கொள்ள வேண்டும்.

சுவையான ரெட் வெல்வட் கேக் இதய வடிவத்தில் தயார்.