கடலைப்பருப்பை தண்ணீரில் கழுவி 2 மணி நேரம் ஊற வைக்கவும். ஊறிய பின் தண்ணீரை வடித்துக்கொள்ளவும்.

பச்சை மிளகாய், இஞ்சி, சோம்பு மற்றும் உப்பு இவற்றை ஊறிய கடலை பருப்புடன் சேர்த்து தண்ணீர் சேர்க்காமல் கொரகொரப்பாக அரைத்துக் கொள்ளவும். அரைத்த பருப்புடன் பொடியாக நறுக்கிய பெரிய வெங்காயம், கொத்தமல்லி இலைகள், கருவேப்பிலை மற்றும் புதினா இலைகளை சேர்க்கவும்.

வடை கலவையை கலந்து கொள்ளவும். ஒரு வட சட்டியில் பொரிக்க தேவையான அளவு எண்ணெய் சூடு செய்யவும். இதில் வடை கலவையை சிறிய அளவில் பக்கோடா போல போட்டு பொரித்தெடுக்கவும்.

பொரித்த வடையை கைகளால் ஒன்றும் பாதியுமாக உடைத்து கொள்ளவும். இவ்வாறு செய்வதனால் மசாலாவில் வடை நன்கு ஊறும்.வடை கறி மசாலா தயாரிக்க தேவையான பொருட்களை எடுத்து வைத்துக் கொள்ளவும்.ஒரு பெரிய வட சட்டியில் கால் கப் நல்லெண்ணெய் சேர்த்து சூடானதும் பிரியாணி இலை, பட்டை, கிராம்பு,ஏலக்காய், அன்னாசிப்பூ, சோம்பு, கருவேப்பிலை சேர்த்து தாளிக்கவும்.

நறுக்கிய பெரிய வெங்காயத்தை சேர்த்து சிறிது உப்பு சேர்த்து வதக்கவும். கூடவே தோலுடன் தட்டிய பூண்டு மற்றும் இடிச்ச இஞ்சியை சேர்த்து வதக்கவும். வெங்காயம் பாதியளவு வதங்கிய பின் மிளகாய்த்தூள், மல்லித்தூள், மஞ்சள் தூள், மற்றும் பெருங்காயத் தூள் சேர்த்துக் கொள்ளவும்.

அடுத்ததாக பொடியாக நறுக்கிய தக்காளியை சேர்த்து கால் கப் தண்ணீர் சேர்த்து மூடி போட்டு தக்காளி மசியும் வரை வேக வைக்கவும்.

தக்காளி மஹிந்த பின் தேங்காய் முந்திரிப்பருப்பு மற்றும் கசகசாவை மைய அரைத்து சேர்த்துக் கொள்ளவும். பிறகு தேவையான அளவு தண்ணீர் சேர்த்துக் கொள்ளவும். (குறிப்பு:தண்ணீர் அதிகமாக சேர்த்துக் கொள்ள வேண்டும். நாம் வைத்திருக்கும் வகைகள் அதில் ஊறும் அளவு இருக்க வேண்டும்.) உப்பு சரி பார்த்து தேவையான அளவு சேர்த்துக் கொள்ளவும். வடையிலும் உப்பு இருப்பதால் தேவையானதை சேர்க்கவும். இதனை மூடி போட்டு கொதி வர வைக்கவும்.

நன்கு கொதித்த பின் பொறித்த வடையை இதில் சேர்க்கவும். இதனை சிறு தீயில் 3 நிமிடங்கள் கலந்து விடவும். எண்ணெய் மேலே வந்த பின் நறுக்கிய கொத்தமல்லி இலைகள் மற்றும் புதினா இலைகளை சேர்த்து கலந்து அடுப்பை அணைக்கவும். சிறிது நேரம் மூடி வைக்கவும்.

கால்மணி நேரம் கழித்து பரிமாறலாம். அப்பொழுதுதான் வடை மசாலாவில் ஊறி சுவை கூடும். கமகம வாசனையுடன் சைதாப்பேட்டை வடகறி சுவைக்கத் தயார்.