முட்டை கொத்து சப்பாத்தி

சப்பாத்தியை நீள நீளமாக நறுக்கி எடுத்துக் கொள்ளவும். அதாவது சப்பாத்தியை சுருட்டிக் கொண்டு அப்படியே நைசாக நறுக்கவும். தக்காளி, வெங்காயம், குடைமிளகாய் நீளவாக்கில் நறுக்கி எடுத்துக் கொள்ளவும்

கடாயில் எண்ணெய் விட்டு காய்ந்ததும் முதலில் வெங்காயத்தை சேர்த்து நன்கு வதக்கிய பிறகு தக்காளி, குடைமிளகாயை சேர்த்து நன்கு வதக்கவும்

இப்போது இதில் இரண்டு முட்டையை உடைத்து ஊற்றி, குறைந்த தணலில் வைத்து சிறிது வேகவிட்டு கிளறி விடவும்

பிறகு சப்பாத்தியை சேர்த்து நன்கு ஒரு சேர கிளறி விடவும்

மிளகாய்த்தூள், மிளகுத்தூள், தேவையான அளவு உப்பு சேர்க்கவும்

இதனை நன்கு கிளறி விட்டு 2 நிமிடங்கள் குறைந்த தணலில் வைத்து பச்சை வாடை போகும் வரை வதக்கி விடவும். பிறகு ஒரு குழிக்கரண்டி குருமாவை சேர்க்கவும்

இதனை நன்கு கிளறி விட்டு ஒரு நிமிடம் விட்டு இறக்கவும்.