அரிசியை நன்கு கழுவி சுத்தம் செய்து 20 நிமிடம் ஊறவைக்கவும். தேவையான பொருட்களை தயார் செய்து வைத்துக் கொள்ளவும். வெங்காயத்தை நீளமாக நறுக்கிக் கொள்ளவும். மல்லி, புதினா இலைகளை நறுக்கி வைக்கவும்‌.

குக்கரை அடுப்பில் வைத்து எண்ணெய் சேர்த்து சூடானதும், பிரியாணி இலை, வெங்காயம், பச்சை மிளகாய் சேர்த்து வதக்கவும். பின் இஞ்சி பூண்டு விழுது சேர்த்து வதக்கவும். பாதி மல்லி புதினா இலைகளை சேர்த்து வதக்கவும்.

வதங்கியதும் பொடி வகைகள் மற்றும் உப்பு சேர்த்து கொள்ளவும். பின் தக்காளியை மிக்ஸியில் கொரகொரப்பாக அரைத்து சேர்க்கவும். கூடவே தயிர் சேர்த்து வதக்கவும்.

மூடி வைத்து எண்ணெய் பிரிந்து வரும் வரை வதக்கிக் கொள்ளவும். அதன்பின் தண்ணீர் சேர்த்து கொதிக்கவிடவும்.

கொதித்த பின் அரிசியை வடித்து சேர்த்து கொள்ளவும். மீதமுள்ள மல்லி புதினா இலையை சேர்க்கவும். இறுதியில் நெய் சேர்த்து மூடவும். குக்கரில் ஆவி வந்தபின் விசில் போட்டு சிறு தீயில் 10 நிமிடம் கழித்து அடுப்பை அணைக்கவும்.

சுவையான தக்காளி பாத் ரெடி. இதனை அதிகம் கிளறாமல் திருப்பி விடவும். தயிர் பச்சடி அல்லது வேகவைத்த முட்டையுடன் பரிமாறலாம்.