முதலில் மேகி பாக்கெட்டில் குறிப்பிட்டபடி தண்ணீர் மற்றும் மசாலா சேர்த்து மேகி நூடுல்ஸை வேக வைக்கவும்.

வேகவைத்த மேகி நூடுல்ஸை வேறு பாத்திரத்தில் எடுத்து வைக்கவும். தேவையான காய்கறிகளை பொடியாக நறுக்கி வைக்கவும்.

பிறகு வாணலியில் எண்ணெய் ஊற்றி காய்கறிகளை வதக்கி மிளகாய்த் தூள், கோதுமை மாவு மற்றும் தேவையான அளவு உப்பு சேர்த்து வதக்கவும். 1 பாக்கெட் மேகியின் மசாலா சேர்த்து நன்றாக வதக்கவும்.

வேகவைத்த மேகி நூடுல்சை இதில் சேர்த்து நன்றாக கலந்து விடவும்.

பிறகு பிரட் துண்டுகளை எடுத்து சப்பாத்தி கட்டையில் வைத்து, நன்றாக தேய்த்து விட்டு வட்டவடிவ மூடியால் அழுத்தி வெட்டி வைக்கவும்.

ஒரு பாத்திரத்தில் கான்பிளவர் பவுடர், மிளகுத்தூள், உப்பு மற்றும் சிறிதளவு தண்ணீர் சேர்த்து கலந்து வைக்கவும். வெட்டிவைத்த பிரெட் துண்டின் மேல் தடவவும்.

அந்த பிரட் துண்டின் மேல் நாம் செய்து வைத்த மேகி மசாலா கலவையை நடுவில் வைத்து மற்றொரு பிரட் துண்டை மேலே வைத்து மூடவும். ஓரங்களில் கான்ப்ளவர் கலவையை தடவி நன்றாக ஒட்டி விடவும். பிறகு பிரெட் கிரம்ஸில் நன்றாக பிரட்டி எடுக்கவும்.

வாணலியில் எண்ணெய் காயவைத்து மிதமான சூட்டில் நாம் செய்து வைத்த கச்சோரிகளை ஒவ்வொன்றாகப் போட்டு இருபுறமும் பொன்னிறமாக பொரித்து எடுக்கவும்.

சுவையான மேகி மசாலா நூடுல்ஸ் கச்சோரி ரெடி.. சாஸுடன் சூடாகப் பரிமாறவும்.