கொத்தமல்லி சோயா பீன்ஸ் சுண்டல்

1/2 கிலோ சோயா பீன்ஸை தோல் நீக்கி கழுவி வைக்கவும்.2 கைப்பிடி கொத்தமல்லி தழை, 2 பச்சை மிளகாய்,1 துண்டு இஞ்சி எடுத்து வைக்கவும். சிறிதளவு கறிவேப்பிலை எடுத்து வைக்கவும்.

எடுத்து வைத்த கொத்தமல்லித்தழை, இஞ்சி, பச்சைமிளகாயை மிக்ஸியில் சேர்த்து நன்றாக அரைத்து வைக்கவும்.கடாயில் 2 டீஸ்பூன் ஆயில் விட்டு, 1/2 டீஸ்பூன் கடுகு, 1 டீஸ்பூன் உளுந்து பருப்பு, சிறிதளவு கறிவேப்பிலை,1 வரமிளகாய் கிள்ளியது சேர்த்து தாளித்து, அரைத்த கொத்தமல்லி தழை விழுதை சேர்த்து நன்கு வதக்கி விடவும்.

கொத்தமல்லித்தழையை நன்கு வதக்கி, பச்சை வாசனை நீங்கியவுடன் குக்கரில் வேக வைத்த சோயா பீன்ஸை தண்ணீர் வடித்து, உப்பு சேர்த்து சேர்க்கவும்.

அடுப்பை சிம்மில் வைத்து நன்கு கலந்து விடவும்.ஒரு கிண்ணத்தில் எடுத்து வைத்து பரிமாறவும். சுவையான மிகவும் சத்து நிறைந்த கொத்தமல்லி சோயாபீன்ஸ் சுண்டல் ரெடி.😋😋