சப்பாத்தி சிறிய உருளைக்கிழங்கு குருமா

1/4 கிலோ சிறிய உருளைக்கிழங்கை கழுவி குக்கரில் 2 விசில் வேகவிடவும்.2 பெரிய வெங்காயம் பொடியாக நறுக்கி வைக்கவும். 2 தக்காளி, 1 பச்சை மிளகாய் பொடியாக நறுக்கி வைக்கவும்.

1 டீஸ்பூன் கசகசா,4 பல் பூண்டு, 1 துண்டு இஞ்சி, 1 டீஸ்பூன் கரம் மசாலாத்தூள், 1 டீஸ்பூன் மிளகாய்த் தூள் எடுத்து வைக்கவும். தாளிக்க: 1 டீஸ்பூன் சோம்பு, 2 கிராம்பு 1 துண்டு பட்டை எடுத்து வைக்கவும். துருவிய தேங்காய் 2 டேபிள்ஸ்பூன் எடுத்து வைக்கவும்.

மசாலா அரைப்பதற்கு தேங்காய் துருவல், இஞ்சி பூண்டு, கசகசா, கரம் மசாலாத்தூள், மிளகாய்த்தூள், 1 டேபிள்ஸ்பூன் தனியாத் தூள், 4 முழு முந்திரி மிக்ஸி ஜாரில் சிறிது தண்ணீர் சேர்த்து நைசாக அரைத்து வைக்கவும். குக்கரில், 2 டீஸ்பூன் நெய், 2 டீஸ்பூன் ஆயில் விட்டு, தாளிக்க எடுத்து வைத்த சோம்பு, கிராம்பு, பட்டை சேர்த்து விடவும்.

அதனுடன் நறுக்கிய வெங்காயம் வதக்கி, தக்காளி, பச்சை மிளகாய் சேர்த்து வதக்கி விடவும். நன்கு வதங்கியவுடன் அரைத்த மசாலா விழுதை சேர்க்கவும்.

உப்பு சேர்த்து, நன்கு கொதிக்கவிட்டு, பச்சை வாசனை நீங்கியதும், வேகவைத்த உருளைக் கிழங்கை தோல் நீக்கி சேர்த்து, நன்கு கொதிக்க விடவும். சிறிதளவு கொத்தமல்லி தழையை பொடியாக நறுக்கி மேலே சேர்க்கவும்.

1 கப் அளவு கோதுமை மாவு, உப்பு 2 டீஸ்பூன் ஆயில் தண்ணீர் சேர்த்து பிசைந்து வைத்து,20 நிமிடம் மூடி வைக்கவும்.

சப்பாத்தி மாவை தேய்த்து தோசை கல்லில் சப்பாத்தியை இருபுறமும் பொன்னிறமாக சுட்டு எடுக்கவும்

சப்பாத்தியுடன் சிறிய உருளைக்கிழங்கு குருமா தொட்டு சாப்பிட அருமையாக இருக்கும்.😋😋