முதலில் ஒரு தம்ளர் பூண்டு உளுத்தம் பருப்பு மற்றும் ஒரு ஸ்பூன் பச்சரிசி சேர்த்து நன்கு கழுவிக் கொள்ளவும். மிதக்கும் அளவிற்கு தண்ணீர் சேர்த்து ஒன்னேகால் அல்லது ஒன்றரை மணி நேரம் ஊற வைக்கவும். இதற்கிடையில் ஒரு பெரிய வெங்காயம் 2 பச்சை மிளகாய் இரண்டையும் பொடியாக நறுக்கிக் கொள்ளவும். மிளகு மற்றும் சீரகத்தை நுணுகி கொள்ளவும்.கறிவேப்பிலை கொத்தமல்லியை பொடியாக அரிந்து கொள்ளவும். நான் இஞ்சி சேர்க்கவில்லை தங்களுக்கு விருப்பம் என்றால் அரை ஸ்பூன் இஞ்சி சேர்த்துக் கொள்ளவும்.

உளுந்து ஊறிய பிறகு ஒரு ஸ்பூன் உப்பு மற்றும் கால் டம்ளர் வரை தண்ணீர் சேர்த்து சேர்த்து மிக்ஸியில் கெட்டியாக அரைத்துக் கொள்ளவும். பவுலுக்கு மாற்றிக் கொள்ளவும். பிறகு இதில் பொடியாக நறுக்கிய வெங்காயம் கறிவேப்பிலை கொத்தமல்லி தழை பச்சை மிளகாய் மற்றும் மிளகு சீரகம் சேர்த்து நன்கு பிசைந்து கொள்ளவும்

பிறகு அடுப்பில் ஒரு கனமான வாணலியை வைத்து வடை சுடுவதற்கு தேவையான எண்ணெய் ஊற்றி எண்ணெய் நன்கு காய வைக்கவும். மாவை தண்ணீரில் கையை நனைத்து விட்டுகாயில் எடுத்து உருட்டி தட்டி மிதமான சூட்டில் எண்ணெயில் பொரித்து எடுக்கவும். இருபுறமும் திருப்பி போட்டு சிவக்க எடுக்கவும். இதை காலை நேரம் என்றால் சாம்பார் செய்த அதில் ஊற வைத்து சாம்பார் வடை சாப்பிடலாம். மாலை நேரத்தில் பொட்டுக்கடலை சட்னி செய்து தொட்டுக் கொண்டு சாப்பிடலாம்.