அவுல் சுண்டல் சாட் (tarri poha)

சுண்டலை இரவு முழுக்க ஊற வைத்து குக்கரில் சேர்த்து உப்பு மற்றும் தண்ணீர் சேர்த்து 5 விசில் வேகவிடவும். ஒரு கடாயில் எண்ணெய் சேர்த்து கடுகு, சீரகம் பொரிந்ததும், பொடியாக நறுக்கிய வெங்காயத்தை சேர்த்து இஞ்சி பூண்டு விழுது சேர்த்து வதக்கவும் கூடவே பச்சைமிளகாய் கருவேப்பிலை சேர்க்கவும்.

இதில் குறிப்பிட்டுள்ள மசாலா பொருட்கள் சேர்க்கவும் (கடலைமாவு மஞ்சள்தூள், மல்லித்தூள், மிளகாய்த்தூள்) இவற்றை சேர்த்து பச்சை வாடை போகும் வரை வதக்கிக் கொள்ளவும். பின் இரண்டாக வெட்டிய தக்காளியை சேர்த்து வதக்கவும்.

இதோடு வேகவைத்த சுண்டல் தண்ணீருடன் சேர்த்து கொதிக்கவிடவும். இப்பொழுது பெருங்காயத்தூள், சீரகத்தூள், கரம் மசாலா மற்றும் உப்பு சேர்த்து கொள்ளவும். இதனை மூடி போட்டு தக்காளி வேகும் வரை கொதிக்க விடவும்.

ஒரு வடிகட்டியில் அவுல் சேர்க்கவும். இதில் தண்ணீர் ஊற்றி அலசி கொள்ளவும். அந்த தண்ணீரில் ஒரு நிமிடம் ஊற வைத்து வடித்து கொள்ளவும். ஒரு கடாயில் எண்ணெய் சேர்த்து நிலக்கடலை, பொடியாக நறுக்கிய வெங்காயம், கருவேப்பிலை சேர்த்து வதக்கவும். நறுக்கிய உருளைக்கிழங்கை சேர்த்து வேகும்வரை ரோஸ்ட் செய்து கொள்ளவும்.

குறிப்பிட்டுள்ள மசாலா பொடிகளை சேர்த்து கலந்துவிட்டு அவல் சேர்த்து கலக்கி விடவும். இறுதியில் நறுக்கிய கொத்தமல்லி இலைகள் மற்றும் எலுமிச்சை சாறு சேர்த்து கலந்து விட்டு அடுப்பை அணைக்கவும்.

ஒரு தட்டில் அவல் மசாலா 2 தேக்கரண்டி சேர்க்கவும். இதற்கு மேல் 2 குழிக்கரண்டி சுண்டல் குழம்பு ஊற்றவும். அதற்குமேல் ஒரு துண்டு தக்காளிப்பழத்தை வைக்கவும்.

அதன் மேல் பொடியாக நறுக்கிய வெங்காயம், ஓமப்பொடி மற்றும் கொத்தமல்லி இலைகளை சேர்த்து கொள்ளவும். ஒரு சிறிய துண்டு எலுமிச்சையை பிழிந்து கலந்து சாப்பிடவும். மிகவும் சத்தான மற்றும் ருசியான இந்த மாலை நேர சிற்றுண்டி நீங்களும் செய்து பாருங்கள்.