உளுந்தை கழுவி சுத்தம் செய்து நான்கு மணி நேரம் ஊற வைக்கவும்.ஒரு மிக்ஸி ஜாரில் உளுந்து, மிளகாய், பூண்டு, சீரகம் சேர்த்து தண்ணீர் சேர்க்காமல் அரைத்துக் கொள்ளவும்.அரைத்த விழுதுடன் உப்பு, மஞ்சள் தூள், மல்லித் தூள், பெருங்காயத் தூள், கரம்மசாலா சேர்த்து பிசைந்து கொள்ளவும்.

ஒரு கிண்ணத்தில் அரிசி மாவு, கோதுமை மாவு, உப்பு மற்றும் தேவையான அளவு தண்ணீர் சேர்த்து சப்பாத்தி மாவு பதத்திற்கு பிசைந்து கொள்ளவும். இதனை மூடி 10 நிமிடங்கள் வைக்கவும்.

மாவை சிறு உருண்டையாக எடுத்து அதிரசம் போல கைகள் தட்டி கொள்ளவும்.இதில் உளுந்து கலவையை நடுவில் வைத்து படத்தில் காட்டியுள்ளபடி மடித்துக் கொள்ளவும். இவ்வாறு அனைத்தையும் தயார் செய்து கொள்ளவும்.

ஒரு அகலமான பாத்திரத்தில் ஒரு லிட்டர் தண்ணீர் சேர்க்கவும். தண்ணீர் கொதித்த பின் கொழுக்கட்டைகளை அதில் சேர்த்து தேவையான அளவு உப்பு சேர்த்து மூடி வைத்து மிதமான தீயில் 20 நிமிடங்கள் வேகவிடவும். கொழுக்கட்டைகள் வந்தபின் தண்ணீர் வடித்து ஒரு தட்டில் மாற்றிக் கொள்ளவும். இவற்றை விருப்பம்போல் இரண்டு அல்லது மூன்று துண்டுகளாக வெட்டிக் கொள்ளவும்.

ஒரு பானையை அடுப்பில் வைத்து எண்ணெய் சூடு செய்யவும். இதில் நறுக்கிய வெங்காயம் இஞ்சி பூண்டு விழுது மற்றும் தக்காளி சேர்த்து வதக்கவும். தக்காளி நசிந்த பின் வெட்டிய கொழுக்கட்டைகளை சேர்த்து கிளறி விடவும். தேவையான அளவு உப்பு சேர்த்து கிலரி மூடி போட்டு 10 நிமிடம் சிறு தீயில் தம் செய்யவும். பத்து நிமிடங்களுக்குப் பின் நறுக்கிய கொத்தமல்லி இலைகளை தூவி பரிமாறலாம்.