ஒரு கிண்ணத்தில் மைதா மாவு, அரிசி மாவு, இட்லி மாவு, மஞ்சள்தூள், உப்பு, சர்க்கரை, சமையல் சோடா இவற்றை சேர்க்கவும்.

சிறிது சிறிதாக தண்ணீர் சேர்த்து பஜ்ஜி மாவு பதத்திற்கு கட்டிகள் இல்லாமல் கரைத்துக் கொள்ளவும். இதனை மூடி வைத்து ஒரு மணி நேரம் புளிக்க வைக்கவும். நன்கு பழுத்த நேந்திரம் பழத்தை சிறிது தடிமனாக நீளவாக்கில் துண்டுகளாக வெட்டிக் கொள்ளவும்.

நேந்திரம் பழம் துண்டை பஜ்ஜி மாவில் தோய்த்து சூடான எண்ணெயில் சேர்த்து இரண்டு பக்கமும் திருப்பி போட்டு பொரித்து எடுக்கவும்.
இனிப்பு கலந்த இந்த புதுமையான பஜ்ஜி சூடாக சுவைக்க ருசியாக இருக்கும்.