அரிசியை கழுவி 3 மணி நேரம் ஊறவைக்கவும் வெல்லத்தை செதுக்கி வைக்கவும்.மிக்ஸி ஜாரில் ஊற வைத்த அரிசியை சேர்த்து தேவையான நீர் விட்டு நைஸாக அரைக்கவும். அடுப்பில், அடி கனமான பாத்திரம் வைத்து வெல்லத்தை கொட்டி இரண்டு டம்ளர் நீர் விட்டு கொதிக்க விட்டு வடிகட்டவும். அரிசியில் இரண்டு டம்ளர் நீர் விட்டு நீர்க்க கரைக்கவும்.

வெல்ல பாகு நன்கு கொதித்ததும் அடுப்பை சிம்மில் வைத்து கரைத்து வைத்த அரிசி மாவை ஊற்றி கிளறி கொண்டே இருக்கவும் நன்கு கெட்டியாக வந்ததும் ஏலக்காய்த்தூள் பொடியாக நறுக்கிய தேங்காய் சேர்த்து நன்கு கிளறி விடவும். 2 ஸ்பூன் நெய் விட்டு நன்கு கிளறி விடவும்

ஒரு ஈரத் துணியை பிழிந்து டேபிள் மேல் விரித்து கிளறிய மாவை கரண்டியில் எடுத்து சிறு சிறு உருண்டையாக விடவும். ஆறியதும் கெட்டியாகிவிடும்.நெய் மணத்துடன் சுவையாக இருக்கும். பரிமாறவும்.சுவையான சத்தான நெய் அல்வா புட்டு தயார். வேக வைத்த கடலைப்பருப்பு ஒரு கரண்டி சேர்த்தும் செய்யலாம்.