ஒரு பாத்திரத்தில் ரவையை சேர்த்து, பிறகு அதில் பொடியாக நறுக்கி வைத்த பச்சை மிளகாய் மற்றும் கறிவேப்பிலை சேர்த்து கொள்ளவும்.

அதனைத் தொடர்ந்து வெங்காயம், சீரகம், மிளகு சேர்க்கவும்.

பிறகு பேக்கிங் சோடா, பெருங்காயத்தூள் மற்றும் கொத்தமல்லி தழை சேர்க்கவும். பின் தயிர் சேர்த்துக் கொள்ளவும்.(1/2 கப் தயிர் போதுமானது மாவு ஊறியதும் அழுத்தமாக இருந்தால் கூடுதலாக சிறிது சேர்த்துக் கொள்ளவும்.)

இறுதியில் தேவையான அளவு உப்பு சேர்த்து ஒன்று சேர நன்றாகப் பிசைந்து கொள்ளவும்.

மாவு ஊறியதும் அழுத்தமாக இருந்தால் கூடுதலாக சிறிதளவு தயிர் அல்லது தண்ணீர் சேர்த்து பிசைந்து வடை செய்ய தொடங்கவும் இல்லை எனில் வடை பொரித்து எடுத்ததும் மிகவும் அழுத்தமாக இருக்கும்.

மாவு நன்றாக ஊறியதும் கைகளில் எண்ணெய் தடவிக்கொண்டு சிறிது மாவை எடுத்து தட்டி நடுவில் ஓட்டை செய்து கொள்ளவும். இதே போல் அனைத்து மாவையும் தயார் செய்து வைத்துக் கொள்ளவும்.

எண்ணெயை மிதமான தீயில் வைத்து இருப்பது அவசியம் இல்லை எனில் மேல் பகுதி கரிந்து உள்ளே வேகாமல் இருக்கும்.

ஒவ்வொன்றாக எண்ணெயில் சேர்த்து நன்றாக இரண்டு புறமும் சிவக்க பொரித்து எடுத்துக் கொள்ளவும்.

மாவில் ஈரப்பதம் குறைவாக இருந்தாலும் அதிகமான நேரம் பொரித்து எடுத்தாலும் வடை கடினமாக இருக்கும்.