ஒரு கப் பாஸ்மதி அரிசியை கழுவி தேவையான நீர் விட்டு அரை மணி நேரம் ஊற விடவும்.இஞ்சி, பூண்டு பச்சை மிளகாய், பட்டை, கிராம்பு,ஏலக்காய் சீரகம்,பிரிஞ்சி இலை எடுத்துவைக்கவும்

ஒரு நான்-ஸ்டிக் தவாவில் 3 ஸ்பூன் நெய் விட்டு முந்திரியை வறுத்து எடுக்கவும்.அதே தவாவில் நெய் 2 ஸ்பூன் ஆயில் விட்டு பட்டை கிராம்பு ஏலக்காய்,சீரகம் பிரிஞ்சி இலை இஞ்சி பூண்டு பச்சை மிளகாய் நன்கு வதக்கவும் நீளவாக்கில் அரிந்த ஒரு கப் பெரிய வெங்காயம் சேர்த்து நன்கு வதக்கவும்.

ஊற வைத்த பாசுமதி அரிசியை சேர்த்து 2 கப் தண்ணீர் விட்டு தேவையான உப்பு சேர்த்துக் கலந்து விடவும். அடுப்பை சிம்மில் வைத்து மூடிவைக்கவும். பத்து நிமிடம் கழித்து சாதம் நன்கு வெந்ததும் கிளறி விடவும். மல்லி இலை தூவி சிறிது நேரம் மூடி வைக்கவும். சுவையான சீரகம் நெய் மணத்துடன் கூடிய ஜீரா ரைஸ் தயார்.

இஞ்சி பூண்டு விழுது சேர்க்காமலும் செய்யலாம்.