பாஸ்மதி அரிசியைக் கழுவி அரை மணிநேரம் ஊற வைக்கவும்.

குக்கரில் நெய், எண்ணெய் ஊற்றிக் காய்ந்ததும் சீரகம், பாதாம், முந்திரிப் பருப்பு சேர்த்து வதக்கவும். பின்னர் வெங்காயம், இஞ்சி பூண்டு விழுது பச்சை மிளகாய், தக்காளி, துருவிய கேரட், புதினா மல்லி இலை என்று ஒவ்வொன்றாக சேர்த்து வதக்கவும். ஊறவைத்த பாஸ்மதி அரிசியைத் தண்ணீர் வடித்து விட்டு சேர்த்து வதக்கவும்.

தேவையான அளவு உப்பு சேர்க்கவும். ஆரஞ்சு பழச்சாறு மற்றும் தண்ணீர் சேர்த்து ஒன்றரைக் கப் அளவில் ஊற்றி நன்கு கிளறவும்.

குக்கரை மூடி வைத்து ஒரு விசில் வந்ததும் அடுப்பை அணைக்கவும். பிரஷர் அடங்கியதும் குக்கரைத் திறந்து சூடாகப் பரிமாறவும்.