பாசுமதி அரிசியை இரு முறை கழுவி 2 கப் தண்ணீர் விட்டு அரை மணி நேரம் ஊறவைக்கவும். வெங்காயம் தக்காளி பச்சை மிளகாயை நீள வாக்கில் நறுக்கவும். ஒரு நான்ஸ்டிக் தவாவில் மூன்று ஸ்பூன் நெய் விட்டு ஏலக்காய் கிராம்பு பட்டை பிரிஞ்சி இலை தாளிக்கவும். இஞ்சி பூண்டு பச்சை மிளகாய் சேர்த்து வதக்கவும். வெங்காயம் சேர்த்து 3 நிமிடம் வதக்கவும். முளைக்கட்டிய பச்சைப்பயறு ஒரு கப் சேர்த்து 2 நிமிடம் வதக்கவும்.

தக்காளி உப்பு, புதினா இலை,காரத்திற்கு தேவையான சிறிதளவு சாம்பார் மிளகாய்த்தூள் சேர்த்து சுருள வதக்கி, ஊற வைத்த அரிசியை நீருடன் சேர்த்து கலந்து மூடி வைக்கவும். சிம்மில் வைத்து 15 நிமிடம் வேக விடவும்.ஒருமுறை திறந்து கலந்து விடவும். மூடி வைக்கவும்.

நன்கு வெந்ததும் இரண்டு ஸ்பூன் நெய் விட்டு கலந்து விடவும்.பாசுமதி அரிசியில் செய்த பச்சைப்பயறு புலவு தயார். மிகவும் சுவையாக இருந்தது.நீங்களும் செய்து பாருங்கள்.