சீரக சம்பா அரிசியை கழுவி பத்து நிமிடங்கள் ஊற வைக்கவும். பின்னர் தண்ணீரை கொதிக்க வைத்து, அரிசி,பட்டை,கிராம்பு சேர்த்து பாதி வெந்ததும், வடித்து வைத்துக்கொள்ளவும்.

வெங்காயம்,தக்காளி, மல்லி, புதினா,காய்கறிகளை நறுக்கி வைக்கவும்.

மிளகாய்,சோம்பு இரண்டையும் சூடான தண்ணீரில் பத்து நிமிடங்கள் ஊற வைத்து விழுதாக அரைத்து வைத்துக் கொள்ளவும். மற்ற பொருட்களை எடுத்து தயாராக வைக்கவும்.

ஒரு நான்ஸ்டிக் பாத்திரத்தை ஸ்டவ்வில் வைத்து சூடானதும் நெய் சேர்த்து,பட்டை,கிராம்பு, பிரிஞ்சி இலை,வெங்காயம், பச்சை மிளகாய்,இஞ்சி பூண்டு விழுது சேர்த்து வதக்கவும்.

வெங்காயம் நன்கு வதங்கியவுடன் நறுக்கி வைத்துள்ள மல்லி,புதினா சேர்த்து நன்கு வதக்கவும்.
மஞசள்தூள்,உப்பு சேர்த்து வதக்கவும்.

பின்னர் நறுக்கி வைத்துள்ள காய்கறிகளை சேர்த்து வதக்கி, மிளகாய் தூள் சேர்த்து, அரைத்து வைத்துள்ள மிளகாய்,சோம்பு விழுதை சேர்த்து வதக்கவும்.

அதன்பின் தயாராக வைத்துள்ள தயிரை சேர்த்து நன்கு கலந்து மூடி வைக்கவும்.

காய்கள் பாதி வெந்ததும்,அதில் வடித்து வைத்துள்ள சாதத்தை சேர்க்கவும். அதன் மேல்,எலுமிச்சை சாறு சேர்த்து,மீதி உள்ள மல்லி,புதினாவை சேர்த்து கலக்கவும்.

கடைசியாக மேலே கொஞ்சமாக நெய் சேர்த்து மூடி வைத்து, தோசைத் தவாவை ஸ்டவ்வில் வைத்து சூடானதும்,தயாராக உள்ள பிரியாணி நிரப்பிய பாத்திரத்தை எடுத்து அதன் மேல் வைக்கவும்.

பின்னர் அலுமினிய ஃபாயில் பேப்பர் வைத்து பிரியாணியை மூடி,அதன் மேல் மூடியை வைத்து அழுத்தி தம் போட்டு வைக்கவும். பதினைந்து நிமிடங்கள் மிதமான சூட்டில் வைத்து எடுத்தால் சுவையான ஆம்பூர் தம் பிரியாணி தயார்.

நன்கு கலந்து எடுத்து ஒரு பரிமாறும் பௌலில் சேர்க்கவும்.

நறுக்கிய வெங்காயம், தக்காளி,மல்லி இலை, உப்பு,மிளகாய் தூள், எலுமிச்சை சாறு சேர்த்து கையால் நன்கு பிசைந்து, கலந்து வைத்தால் வித்தியாசமான ரைத்தா தயார். ரைத்தாவுடன் சேர்த்து சுவைத்தால் பிரியாணி சுவையோ சுவை. அனைவரும் செய்து சுவைக்கவும்.