மேற்கூறிய தேவையான பொருட்கள் அனைத்தையும் தயாராக எடுத்து வைக்கவும். மெஷினில் கொடுத்து அரைத்த மாவு என்றால் சல்லடையில் சலித்து திப்பியை தனியாக எடுத்து விடவும். இப்படி செய்து பிறகு மாவு பிசைந்தால் ஓரம் வெடிக்காமல் வரும். 2 கப் மாவில் சிறிது தூள் உப்பு, ஒரு டேபிள்ஸ்பூன் ரவை, மற்றும் எண்ணெய் சேர்த்து நன்றாக பிசறிக் கொள்ளவும். பிறகு தேவையான அளவு தண்ணீர் சேர்த்து மாவை பூரி பதத்திற்கு. (மிகவும் இளக்கமாக பிசைய வேண்டாம்.) பிசைந்து கொள்ளவும். பூரி மாவு ஊற வைக்க வேண்டிய தேவை இல்லை.

மாவை சிறு சிறு உருண்டைகளாக உருட்டிக் கொள்ளவும். மாவு உருட்டும் நேரமே மாவு ஊறுவதற்கு போதுமான நேரம். பிறகு பூரி மாவை சிறிது தடிமனாக நகர்த்தி கொள்ளவும். மெலிதாக தேய்த்தால் பூரி உப்பி வராது.நகர்த்திய பூரியை நன்கு காய்ந்த எண்ணெயில் பொரித்து எடுக்கவும்.தேய்த்த பூரியை எண்ணெயில் போட்டு எண்ணெய் கரண்டியில் வாரி அள்ளி பூரி மேல் தெளித்தால் பூரி மேலெழும்பி வரும். அல்லது செய்த பூரியை போட்டவுடன் கரண்டியால் ஒரு அமுக்கு அமுக்கி விட்டால் பூரி மேலெழும்பி வரும்.