கோழிக் கறியை துண்டுகளாக்கி, அலசிக் 1/2 வேக்காடாக கொள்ளவும். சின்ன வெங்காயத்தை சற்று பெரிய துண்டுகளாக அரிந்து கொள்ளவும். கொத்த மல்லி இலையை சிறிதாக வெட்டிக் கொள்ளவும்.

அடி கனமான பாத்திரத்தில் நல்ல எண்ணெய் ஊற்றி கடுகு, கறிவேப்பிலை சேர்த்து தாளிக்கவும். பின் அரிந்து வைத்துள்ள வெங்காயத்தை சேர்த்து பொன்னிறமாகும் வரை வதக்கவும்.

பின் அதனோடு இஞ்சி, பூண்டு விழுது சேர்க்கவும். 1 நிமிடம் கழித்து மசால், கோழிக்கறி, உப்பு சேர்த்து சிறிதளவு தண்ணீரைத் தெளிக்கவும்.

விரவினது போல் உள்ள கோழிக்கறி கலவையை அடுப்பை சிம்மில் வைத்து பாத்திரத்தை மூடி வைக்கவும். இடை இடையே மெதுவாக கிளறி விடவும்.

கோழிக்கறி வேகும்போது எண்ணெய் பிரிந்து வந்ததும் பொடியாக அரிந்து வைத்துள்ள கொத்த மல்லி இலையைத் தூவி இறக்கவும். சுவையான கோழி சாப்ஸ் தயார்.