வரகு அரிசி மாம்பழ பணியாரம்

பாத்திரத்தில் வரகு அரிசி, உளுந்து, துவரம் பருப்பு, வெந்தயம் அனைத்தையும் ஒன்றாக சேர்க்கவும்

இதனை இரண்டு முறை நன்றாக கழுவி தண்ணீர் ஊற்றி குறைந்தது 3 மணி நேரம் ஊறவைக்கவும்

நன்றாக ஊறிய பிறகு தண்ணீரை வடித்த இதனுடன் ஏலக்காய் சேர்த்து முதலில் கரகரப்பாக அரைத்துக்கொள்ளவும் பிறகு இதனுடன் வெல்லத்தை சேர்க்கவும்

இத்துடன் மாம்பழத் துண்டுகளை சேர்த்து மையாக இட்லி மாவு பதத்திற்கு அரைத்துக் கொள்ளவும்... இதனை மற்றொரு பாத்திரத்தில் மாற்றி குறைந்தது ஐந்து மணி நேரம் வைக்கவும்

5 மணி நேரம் கழித்து இதனுடன் துருவிய தேங்காய் பேக்கிங் சோடா உப்பு சேர்த்து நன்றாக கலந்து கொள்ளவும்

பணியார சட்டியை மிதமான தீயில் வைத்து எல்லா குழிகளிலும் நெய் ஊற்றவும் பிறகு கலந்து வைத்திருக்கும் மாவை இதனுடன் ஊற்றி மிதமான தீயில் மூடி 2 நிமிடம் வைக்கவும்

ஒருபுறம் வெந்த பிறகு மெதுவாக திருப்பி மீண்டும் மிதமான தீயில் ஒரு நிமிடம் வைத்து எடுக்கவும்

அட்டகாசமான வரகு அரிசி மாம்பழ பணியாரம் தயார் நீங்களும் இதனை முயற்சித்து பாருங்கள் கண்டிப்பாக இதனுடைய அலாதியான சுவையில் அசந்து போவீர்கள்