சீரக சம்பா வெண்பொங்கல்

ஒரு மிக்சிங் பௌலில் சீரக சம்பா அரிசி, பாசிப்பருப்பு இரண்டையும் எடுத்து நன்கு கழுவிவிட்டு தண்ணீர் வடித்து எடுத்துக் கொள்ளவும்

குக்கரில் நெய் விட்டு முதலில் மிளகை தாளிக்கவும்

பிறகு அடுப்பை குறைவான தணலில் வைத்து சீரகம், கருவேப்பிலை, நீளவாக்கில் கீறிய பச்சை மிளகாய் சேர்த்து நன்கு வதக்கி விடவும்

இப்போது இஞ்சித் துருவல் சேர்த்து, வதக்கி விட்டு பிறகு தண்ணீர் வடித்த அரிசி பருப்பை சேர்த்து அடுப்பை அதிக தணலில் வைக்கவும்

நன்கு 2 நிமிடம் வரை கைவிடாமல் அரிசியையும் பருப்பையும் நன்கு வறுத்து விடவும். (இதனை வறுப்பதால் பொங்கல் பிசுபிசுப்பு இல்லாமல் மேலும் ருசியாக இருக்கும்)

பிறகு 4 1\2 கப் அளவு தண்ணீர் விட்டு நன்கு ஒரு சேர கிளறி விட்டு தேவையான அளவு உப்பு சேர்க்கவும்.

மூடியை மூடி விசில் போட்டு 4 விசில் விட்டு அடுப்பை அணைக்கவும். விசில் அடங்கியதும் திறந்து நன்கு கிளறி விட்டு சட்னி அல்லது சாம்பாருடன் பரிமாறவும்