ஒரு பவுலில் சோளம், உளுத்தம்பருப்பு, வெந்தயம் சேர்த்து தண்ணீர் ஊற்றி நன்கு கழுவி சுத்தம் செய்து 6 மணி நேரம் ஊற வைத்து கொள்ளவும்.

பிறகு கிரைண்டரில் தண்ணீர் இல்லாமல் வடிகட்டி சேர்த்து தண்ணீர் சிறிதளவு தெளித்து தெளித்து நன்கு மையாக அரைத்து எடுத்து ஒரு பவுலில் மாற்றி உப்பு சேர்த்து கலந்து வைத்து கொள்ளவும்.

பிறகு இதனை 8 மணி அப்படியே வைத்து புளிக்க விடவும். வாணலியில் எண்ணெய் விட்டு கடுகு உளுத்தம்பருப்பு கடலைப்பருப்பு சேர்த்து தாளித்து வெங்காயம், பச்சை மிளகாய் சிறிதாக நறுக்கி சேர்த்து வதக்கவும்.

இவை சூடு தணிந்த பின்னர் மாவில் ஊற்றி கறிவேப்பிலை, கொத்தமல்லி சிறிதாக நறுக்கி சேர்த்து மாவை கலந்து விடவும்.

அடுப்பில் பணியாரக்கல்லில் எல்லா குழியில் தேவையான அளவு நல்லெண்ணெய் விட்டு சூடானதும் ஒரு கரண்டி அளவு மாவை குழியில் ஊற்றி கொள்ளவும்.

அடுப்பை மிதமான தீயில் வைத்து மூடி வைத்து வேக வைக்கவும். ஒருபக்கம் வெந்து வந்ததும் மறு பக்கம் திருப்பி போட்டு வேகவைத்து எடுத்து கொள்ளவும்.சூப்பரான ஹெல்த்தியான சோள பணியாரம் தயார். நன்றி