அவல் கொழுக்கட்டை

அவலை ஒரு கடாயில் போட்டு ஒரு நிமிடம் வறுத்து ஆற வைத்துக் கொள்ளவும்.

அடுப்பில் ஒரு கடாயை வைத்து வெல்லத்தை போட்டு 1/4 டம்ளர் தண்ணீர் ஊற்றி பாகு காய்ச்சவும்.

ஆறவைத்த அவலை ஒரு மிக்ஸி ஜாரில் போட்டு பவுடராக அரைக்கவும்.

வெல்லபாகு ஆறியவுடன் வடிகட்டிக் கொள்ளவும்

அடுப்பில் ஒரு கடாயை வைத்து வடிகட்டிய வெல்லபாகை அதில் ஊற்றி அரைத்து வைத்த அவல் பவுடரை அதில் போடவும்.

பிறகு கிளறிக்கொண்டே இருக்கவும். எல்லாம் ஒன்று சேர்த்து வந்தவுடன் அடுப்பை நிறுத்தி ஆறவிடவும்.

மாவு ஆறிய உடன் அதில் ஒரு ஸ்பூன் எள்ளு, அரை ஸ்பூன் ஏலக்காய் பவுடர் தேங்காய் துருவல் மூன்றையும் போட்டு ஒன்று சேர்த்து பிசைந்து கொழுக்கட்டையாக பிடித்து வைக்கவும்.

பிறகு அடுப்பில் ஒரு இட்லி பாத்திரத்தை வைத்து தண்ணீர் ஊற்றி அதன் மேல் இட்லி தட்டை வைத்து துணி போட்டு பிடித்து வைத்த கொழுக்கட்டைகளை அதில் வைத்து 5 நிமிடம் வேக விடவும்.