ஒரு பேனில் வெண்ணெய் சேர்த்து வெண்ணெயை உருக்கி அதில் பொடியாக நறுக்கிய பூண்டு சேர்த்து வதக்கவும். பிறகு மைதா மாவு சேர்த்து கட்டிகளில்லாமல் கிண்டவும்.

கொஞ்சம் கொஞ்சமாக பால் சேர்த்து கட்டிகள் இல்லாமல் மற்றும் கைவிடாமல் கிளறவும். மைதா மாவு கரைந்த பின் தண்ணீர் சேர்க்கவும். பால் கொதித்து வரும் பொழுது பாஸ்தா சேர்த்து கலந்து மூடி வைத்து வேக வைக்கவும்.

பாஸ்தா வெந்த பின் சீஸ் ச்லைஸை சேர்த்து கலந்து விடவும். சீஸ் உருகிய பின் குடை மிளகாய் சேர்க்கவும். நான் மூன்று விதமான குடைமிளகாய் சேர்த்துள்ளேன். நீங்கள் உங்கள் விருப்பமானதை சேர்க்கலாம். குடைமிளகாய் சேர்த்தபின் இரண்டு நிமிடங்களுக்கு கலக்கவும்.

இப்பொழுது மிளகுத் தூள்‚ சில்லி ஃப்ளேக்ஸ் மற்றும் ஆரிகானோ சேர்த்துக் கலக்கவும். இதில் மிகவும் முக்கியமான பொருள் இப்பொழுதுதான் சேர்க்கவேண்டும். அது துருவிய மொசரெல்லா சீஸ். சீஸ் சேர்த்து ரொம்ப நேரம் கலக்க கூடாது. சீஸ் உருகிய உடனே அடுப்பை அணைத்து சூடாக பரிமாற வேண்டும். சூடாக பரிமாறிநாள்தான் சீஸ் உருகி‚ பார்க்க அருமையாக இருக்கும்.