ஒரு பெரிய கடாயில் இரண்டு ஸ்பூன் எண்ணெய் விட்டு சூடு ஏறியவுடன், பொடியாக நறுக்கிய 6 பல் பூண்டுகளை சேர்க்கவும். பிறகு அதில் பொடியாக நறுக்கிய பெரிய வெங்காயம் ஒன்று சேர்க்கவும். வெங்காயம் கொஞ்சம் நிறம் மாறிய பிறகு, 2 ஸ்பூன் ஸ்வீட் கார்ன், 2 ஸ்பூன் கேரட், இரண்டு ஸ்பூன் குடைமிளகாய் மூன்றையும் சேர்த்து இரண்டு நிமிடம் வதக்கவும். இவற்றை தனியாக ஒரு தட்டில் வைத்து கொள்ளவும்

மீண்டும் ஒரு வாணலியில் இரண்டு கப் தண்ணீர் விட்டு அதில் உப்பு சேர்த்து ஒரு ஸ்பூன் எண்ணெய் சேர்த்துகொதிக்க விடவும். அதில் பாஸ்தாவை, பாஸ்தா பாக்கெட்டில் குறிப்பிட்ட நேரம் வரை வேக விடவும். பாஸ்தா வெந்தவுடன் தண்ணீரை வடித்து கொள்ளவும்

மீண்டும் ஒரு கடாயில் ஒரு ஸ்பூன் வெண்ணெய் சேர்த்து அதில் இரண்டு ஸ்பூன் மைதா சேர்த்து வறுக்கவும். சிவக்க விட வேண்டாம். உடனே அதில் ஒன்றரை கப் பாலைச் சேர்த்து நன்றாக கிளறிக் கொண்டே இருக்கவும். சீஸ் பதத்தில் வரும் வரை கிளறவும். இப்பொழுது ஒயிட் சாஸ் தயார்.

தயாரித்த ஒயிட் சாசுடன் குடமிளகாய்,கேரட், ஸ்வீட் கார்ன் கலவைகளை சேர்க்கவும். ஒரு நிமிடம் நன்கு கிளறவும். பிறகு அதில் அரை ஸ்பூன் சில்லி ப்ளேக்ஸ்,அரை ஸ்பூன் மிளகு தூள், அரை ஸ்பூன் மிக்ஸட் ஹேர்ப்ஸ், சேர்த்து மீண்டும் ஒரு முறை கலந்து விடவும். பிறகு இதில் வடித்து வைத்த பாஸ்தாவை சேர்த்து நன்கு கிளறவும். தேவை என்றால் பாஸ்தா வடித்த தண்ணீரை சிறிது சேர்த்துக் கொள்ளலாம் சுவையான ஹோட்டல் ஸ்டைல் பாஸ்தா வீட்டிலேயே ரெடி.