கிச்சடி சம்பா பிரியாணி/ samba biriyani receip in tamil

முதலில் வெங்காயம் தக்காளி பச்சை மிளகாய் கொத்தமல்லி புதினா சிறிய வெங்காயம் எலுமிச்சை இவற்றை படத்தில் காட்டியபடி நீளவாக்கில் நறுக்கிக் கொள்ளவும்.பிறகு இஞ்சி பூண்டு பேஸ்ட் செய்து வைத்து கொள்ளவும்.அத்துடன் 1 கப் தயிர் எடுத்து வைக்கவும்

மட்டனை நன்கு கழுவி ஒரு குக்கரில் மஞ்சள்தூள் இஞ்சி பூண்டு விழுது பாதி அளவு சேர்த்து தயிர் சேர்த்து 5 விசில் வைத்து வேகவிடவும்

பிறகு ஒரு பாத்திரத்தில் நெய் எண்ணெய் சேர்த்து பட்டை கிராம்பு ஏலக்காய் பிரிஞ்சி இலை லவங்கம் சேர்த்து நன்கு பொரிந்ததும் வெங்காயம் சேர்த்து பொன்னிறமாக வதக்கவும் பிறகு இஞ்சி பூண்டு விழுது சேர்த்து வதக்கவும் பிறகு சிறிய வெங்காயம் தக்காளி பச்சை மிளகாய் கொத்தமல்லி புதினா சேர்த்து நன்கு வதக்கவும் பிறகு மிளகாய்த்தூள் மஞ்சள்தூள் மல்லி தூள் சேர்த்து பிறகு சோம்பு தூள் சீரகத்தூள் மிளகுத்தூள் சேர்த்து வதக்கவும்

பிறகு குக்கரில் வேக வைத்த மட்டனை மட்டும் எடுத்து பிரியாணி பாத்திரத்தில் சேர்த்து மீதி தயிரை சேர்த்து அளந்து வைத்துள்ள தண்ணீருடன் கறி சூப் சேர்த்து கொதிக்க விடவும். சூப் பையும் அளவாக எடுத்து கொள்ளவும் தேவையான உப்பு சேர்த்து வேகவிடவும்.அரிசி ஒரு கப் என்றால் தண்ணீர் 2 கப் அரிசியை கால் மணி நேரம் ஊறவைத்து கொள்ளவும்.பிறகு அரைத்து வைத்துள்ள முந்திரி கசகசா சேர்த்து கொதிக்க விடவும்

பிறகு தண்ணீர் கொதித்ததும் அரிசியை சேர்த்து கரம் மசாலா தூள்்எலுமிச்சைபழ சாறு சேர்த்து நன்கு கொதிக்க விடவும் பிறகு தண்ணீர் குறைவாக உள்ள போது நெய் சேர்த்து தம் போடவும்.

பிறகு பிரியாணிக்கு மேலே ஒரு தட்டு போட்டு மூடி அதன் மேல் சிறிது தண்ணீர் ஊற்றி வைக்கவும் பிறகு கீழே ஒரு தோசை கல்லை வைத்து அதன் மேல் பிரியாணி சட்டியை வைக்கவும் அரைமணி நேரம் கழித்து திறந்து பிரட்டி போட்டு திரும்பவும் மூடி வைக்கவும் பிறகு 10 நிமிடம் கழித்து இறக்கவும்.சுவையான பிரியாணி ரெடி