முதலில் பட்டை கிராம்பு ஏலக்காய் அனைத்தையும் வெயிலில் நன்றாக காயவைத்து அரைத்து எடுத்துக்கொள்ளவும் இதுதான் நாம் பயன்படுத்தக்கூடிய கரம்மசாலா

ஒரு பெரிய பாத்திரத்தில் கடலை எண்ணெய், 4 இன்ச் பட்டை, 5 கிராம்பு, 6 ஏலக்காய் அனைத்தையும் சூடான எண்ணெயில் நன்றாக பொரியவிடவும் அதன் பிறகு நறுக்கிய பெரிய வெங்காயத்தை சேர்த்து நன்றாக வதக்கிக் கொள்ளவும்.

ஓரளவு வெங்காயம் வதங்கியவுடன் சிறிய வெங்காயத்தை அரைத்து இதனுடன் சேர்த்துக் கொள்ளவும் பின் நன்றாக வதக்கவும். பின்பு இஞ்சி மற்றும் பூண்டை நன்றாக அரைத்து இதில் சேர்த்து பச்சை மிளகாய், சிறிது கொத்தமல்லி மற்றும் புதினாவை சேர்த்து நன்றாக வதக்கவும்

இப்பொழுது நன்றாக வதங்கிய உடன் மட்டன், சிறிது உப்பு, காரத்திற்கேற்றவாறு மிளகாய்த்தூள், ஒரு டேபிள் ஸ்பூன் மல்லித் தூள், ஒரு டேபிள்ஸ்பூன் கரம் மசாலா பின் நறுக்கிய தக்காளி, 100 மில்லி தயிர் அனைத்தையும் சேர்த்து 10 நிமிடம் நன்றாக வேகவிடவும் மிதமான சூட்டில்

பத்து நிமிடத்திற்கு பின்பு இரண்டு லிட்டர் தண்ணீரை சேர்த்து 20 நிமிடம் வேக வைக்கவும்.

ஒரு கிலோ பாஸ்மதி அரிசியை நன்றாக அலசி எடுத்துக் கொண்டு அதை ஒரு டம்ளரில் அலந்து எடுத்துக்கொள்ளலாம் ஒரு டம்ளர் அரிசிக்கு 2 டம்ளர் தண்ணீர் என்ற அளவில் நாம் தண்ணீர் சேர்க போகிறோம்

பின் அரிசி அதன் அளவு தண்ணீர், ஒரு எலுமிச்சம் பழத்தின் சாறு மற்றும் தேவையான அளவு உப்பு சேர்த்து நன்றாக வேகவைக்கவும்.