சுக்கு மல்லி காபி(sukku malli coffee recipe in tamil)

தேவையான பொருட்களை எடுத்து வைத்துக் கொள்ள வேண்டும்.

சுக்கை நன்றாக தட்டி வைத்துக் கொள்ள வேண்டும்.

வெறும் வாணலியில் முதலில் மல்லி விதையை வறுத்து எடுத்துக் கொள்ள வேண்டும். பின்பு அடுப்பை அணைத்து மிளகு,சுக்கு,ஏலக்காய் சேர்த்து 1 நிமிடம் கிளறி விட வேண்டும்.

இவற்றை ஆறவைத்து மிக்ஸி ஜாரில் சேர்த்து கொரகொரப்பாக அரைக்க வேண்டும்.

மையாக அரைத்தால் குடிக்க முடியாது. வாசனையும்,காபியும் திகட்டும்.

அரைத்த பொடியை ஒரு காற்று புகாத டப்பாவில் போட்டு,தேவைப்படும்போது பயன்படுத்தலாம்.

ஒரு பாத்திரத்தில் மூன்று டம்ளர் தண்ணீர் சேர்த்து,2-3ஸ்பூன் (தேவைக்கேற்ப) அரைத்த பொடி சேர்த்து நன்றாக கொதிக்க விட வேண்டும்.

(சுக்கு மிளகு காரத்திற்கேற்ப பொடியில் அளவை நாம் கூட்டி, குறைத்து சேர்த்துக்கொள்ள வேண்டும்.)

5நிமிடங்கள் நன்றாக கொதித்ததும், சுவைக்கேற்ப நாட்டு சர்க்கரை சேர்க்க வேண்டும்.

2நிமிடங்களுக்கு கொதிக்க வைக்க வேண்டும். பின்னர் வடிகட்டி பரிமாறலாம்.