பால் மிதமான சூட்டில் இருக்க வேண்டும். மிதமான சூட்டில் இருக்கும் பாலோடு, ஈஸ்ட் 1 டேபிள் ஸ்பூன், சர்க்கரை சேர்த்து நன்றாக கலக்கி, மூடி போட்டு10 நிமிடங்கள் வரை விட்டு விடுங்கள். இந்த ஈஸ்ட் நன்றாக புளித்து தயாராக 10 நிமிடங்கள் எடுக்கும். அடுத்தது ஒரு அகலமான பாத்திரத்தில், மைதா மாவு ஈஸ்ட் கலந்த பாலை ஊற்றி, உங்களுடைய விரல்களால் மாவை நன்றாக பிசைய வேண்டும்.

மாவு சற்று பிசுபிசுப்புத் தன்மையோடு தான் இருக்கும். 2 ஸ்பூன் வெண்ணெய் சேர்த்து கலந்து நன்றாக 10 நிமிடங்கள் பிசைந்து கொண்டே இருக்க வேண்டும். மாவு வரண்டு போகாமல் இருப்பதற்காக, மேலே வெண்ணெய் தடவிக் கொள்ளலாம். ஒரு மணி நேரம் கழித்து மாவை திறந்து பார்த்தால், மாவு ஊறி நன்றாக பொங்கி உபிரியாகி இருக்கும். இந்த மாவை மீண்டும் எடுத்து 5 நிமிடங்கள் பிசைந்து, மாவை நான்கிலிருந்து ஐந்து பாகங்களாக பிரித்துக் கொள்ள வேண்டும்.