இரண்டு அரிசி களையும் அனைத்து பருப்பு வகைகளையும் ஒன்றாக சேர்த்து 3 அல்லது 4 முறை நன்றாகக் கழுவி விட்டு தண்ணீர் சேர்த்து ஊற வைக்கவும்.

இரண்டு அல்லது மூன்று மணி நேரம் வரை ஊற வைக்கவும். முதலில் மிளகாயை மிக்ஸியில் இஞ்சி பெருங்காய தூள் சேர்த்து ஒட்டிக் கொள்ளவும்.பிறகு தக்காளியை நான்கு துண்டுகளாக நறுக்கி மிக்ஸியில் சேர்த்து நன்கு அரைத்துக் கொள்ளவும்.

இப்போது கிரைண்டரில் அரிசி பருப்பு வகைகளை தண்ணீர் வடித்து விட்டு சேர்க்கவும்.தக்காளி மிளகாய் இஞ்சி சேர்த்து அரைத்த விழுதை அரிசியில் ஊற்றி நைஸாக அரைக்கவும். தேவையான அளவு கல்லுப்பு சேர்த்துக் கொள்ளவும்.எடுக்கும் சமயம் ஒரு ஸ்பூன் சோம்பு அல்லது சீரகம் சேர்த்துக் கொள்ளவும் அதனுடன் கறிவேப்பிலை கொத்தமல்லி சேர்த்து அரைத்துக் கொள்ளவும். மாவை குறைந்தது நான்கு மணி நேரம் புளிக்க விடவும். இதனுடன் சிறிய வெங்காயம் அல்லது பெரிய வெங்காயம் சேர்த்து அரைத்துக் கொள்ளலாம். குழந்தைகள் அதை தனியாக எடுத்து வைக்க மாட்டார்

பெரிய வெங்காயத்தை பொடியாக நறுக்கி மாவில் சேர்த்து கலந்து கொள்ளவும். மாவை தோசை ஊற்றுவதற்கு கரைத்துக் கொண்டு காய்ந்த தோசைக்கல்லில் ஊற்றி மெல்லிதாக தேய்க்கவும்.சுற்றி எண்ணெய் விட்டு ஒரு பக்கம் சிவாந்தவுடன் மறுபக்கம் திருப்பி போடவும். தொட்டு கொள்ள சட்னி சர்க்கரை, தயிர், வெண்ணெய், வெல்லம் போன்றவை நன்றாக இருக்கும். எங்கள் வீட்டில் இஞ்சி பச்சடி செய்து இருந்ததால் அதை சேர்த்து தொட்டு சாப்பிடும் சுவை அதிகமாக இருந்தது.

மழை காலத்திற்கு ஏற்ற மாலை நேர டிபன் தயார்.