மேற்கூறிய தேவையான பொருட்களை எடுத்துக் கொள்ளவும். நான் சக்கரை பொங்கல் மற்றும் வெண் பொங்கலுக்கு பெரும்பாலும் நல்ல பச்சை அரிசி நொய் வாங்கிக் கொள்வேன். சீக்கிரமும் குழையும்,சுவை நன்றாக இருக்கும், அதே சமயத்தில் முழு பச்சை அரிசியை விட இந்த அரிசி விலை குறைவு.ஒரு கப் பச்சரிசி குருணை, அரை கப் பாசிப்பருப்பு எடுத்துக்கொள்ளவும் இரண்டையும் நன்கு கழுவி அரை மணி நேரம் ஊறவைக்கவும். மிளகு சீரகம் இரண்டையும் நீக்கிக் கொள்ளவும் இஞ்சியை துருவிக் கொள்ளவும்.

அரைமணி நேரம் ஊறிய பிறகு தண்ணீர் வடித்து விட்டு ஒரு ஸ்பூன் நெய் விட்டு அரிசி பருப்பு கலவையை சூடு ஏற வறுத்துக் கொள்ளவும். இதில் 6 கப் அளவு தண்ணீர் சேர்த்து (1: 6) கால் ஸ்பூன் மஞ்சள் தூள்,ஒரு ஸ்பூன் அளவு தூள் உப்பு சேர்த்து நன்கு கலந்து விட்டு ஒரு பாத்திரத்தில் சேர்க்கவும். குக்கர் பாத்திரத்தில் தண்ணீர் விட்டு இந்த பாத்திரத்தை அதில் வைக்கவும் குறைந்தது 10 சவுண்டு கூட வேக விடலாம். குழையவேகவேண்டும்.

இதற்கிடையில் ஒரு வாணலியில் கொஞ்சம் நெய் சேர்த்து பவுடர் ஆக்கிய மிளகு மற்றும் சீரகத் தூள் துருவிய இஞ்சி, கருவேப்பிலை, பெருங்காயத்தூள் மற்றும் முந்திரிப்பருப்பு கடைசியாக சேர்த்து நன்கு வதக்கிக் கொள்ளவும். வேக வைத்த சாதத்தை கரண்டி கொண்டு ஒருமுறை நன்கு மசித்துக் கொள்ளவும். பிறகு அதில் தாளித்த மிளகுத்தூள் வகையறாக்களை சேர்த்து நன்கு கலந்து விடவும்.

படத்தில் காட்டியுள்ளபடி நன்கு கலந்து பிறகு மீதமுள்ள நெய்யை ஊற்றி ஒருமுறை கலந்து விடவும். ஹாட் பாக்ஸில் வைத்து மூடிவைக்கவும். தொட்டுக்கொள்ள சட்னி சாம்பார் ரெடி செய்து சுடச்சுட இந்த மிளகு பொங்கலை பரிமாறவும். இந்த மழை பனி காலத்தில் மிளகு சீரகம் உடலுக்கு நல்லது காலையில் டிபன் செய்வதற்கு இந்த மிளகு பொங்கல் சேர்த்து செய்யலாம்.