முதலில் ஒரு டம்ளர் குண்டு உளுத்தம் பருப்பை எடுத்துக் கொள்ளவும். அதில் ஒரு டேபிள் ஸ்பூன் பச்சை அரிசி சேர்த்துக் கொள்ளவும். இரண்டையும் கழுவி ஒரு மணி முதல் 1.25 மணி நேரம் வரை ஊற வைத்துக் கொள்ளவும். தண்ணீர் மிதக்கும் அளவிற்கு ஊற வைத்தால் தண்ணீர் போதும்.அதற்குள் பெரிய வெங்காயத்தை பொடியாக அரிந்து கொள்ளவும் பச்சை மிளகாய் மற்றும் கருவேப்பிலை கொத்தமல்லி ஆகியவற்றை பொடியாக அரிந்து கொள்ளவும்.

மிளகு சீரகம் உப்பு எடுத்து வைத்துக்கொள்ளவும் பருப்பு ஊறிய பிறகு தண்ணீர் வடித்து விட்டு கிரைண்டரில் ஒரு ஸ்பூன் வரை உப்பு சேர்த்து லேசாக தண்ணீர் தெளித்து அரைக்கவும்.. வடைக்கு அரைப்பது போல் நைசாக அரைக்காமல் கரகரப்பாக அரைத்துக் கொள்ளவும். பிறகு வழித்து எடுத்துக்கொள்ளவும். அதில் அரிந்து வைத்த வெங்காயம் கருவேப்பிலை கொத்தமல்லி மிளகு சீரகம் ப மிளகாய் சேர்த்து நன்கு பிசைந்து கொள்ளவும். அடுப்பில் தேவையான எண்ணெயை வாணலியில் ஊற்றி வைக்கவும். எண்ணெய் நன்கு காய்ந்தவுடன் போண்டா மாவை கிள்ளி கிள்ளி போடவும்.

எல்லா புறமும் சிவக்க எடுத்து கொள்ளவும். சாப்பாட்டிற்கும் மாலை நேர ஸ்நாக்ஸ் ஆகவும் இதை எடுத்துக்கொள்ளலாம்.