முதலில் தேவையான பொருட்கள் அனைத்தையும் தயாராக எடுத்து வைத்துக் கொள்ளவும். பெரிய வெங்காயம் பச்சை மிளகாயை பொடியாக நறுக்கி வைத்துக் கொள்ளவும். கருவேப்பிலை கொத்தமல்லி ஆகியவற்றை பொடியாக நறுக்கி வைத்துக் கொள்ளவும். ஒரு பௌலில் ராகி மாவு பொடியாக நறுக்கிய பச்சை மிளகாய் பெரிய வெங்காயம் 1 கருவேப்பிலை கொத்தமல்லி உப்பு சேர்த்து சிறிதளவு தண்ணீர் தெளித்து போண்டா மாவு பதத்திற்கு பிசைந்து கொள்ளவும்.

ஒரு வாணலியில் பொறிக்க தேவையான அளவு எண்ணெய் ஊற்றி நன்றாக காய்ந்ததும் மிதமான தீயில் வைத்து பிசைந்து வைத்துள்ள மாவை சிறு சிறு உருண்டைகளாக உருட்டி போடவும். இருபுறமும் நன்றாக வேகவிட்டு பொரிந்தவுடன் எடுக்கவும். இப்போது சுவையான ஆரோக்கியமான ராகி மாவு போண்டா தயார். குழந்தைகள் விரும்பி சாப்பிடுவர். நன்றி. ஹேமலதா கதிர்வேல்.