கொண்டைக்கடலையை முதல் நாள் இரவே ஊற வைத்துக் கொள்ளவும் மறுநாள் நன்கு கழுவிவிட்டு குக்கரில் தண்ணீர் சேர்த்து ஏழு அல்லது எட்டு சவுண்டு வேகவிடவும்.உருளைக்கிழங்கை தோல் நீக்கி கழுவி விட்டு தனியாக குக்கரில் 2 அல்லது 3 சவுண்டு விட்டு வேக வைத்துக் கொள்ளவும்.

இரண்டு பெரிய சைஸ் பெரிய வெங்காயத்தை பெரிய சைஸில் அறிந்து கொள்ளலாம். பிறகு நான்கு பழுத்த தக்காளியை அரிந்து கொள்ளவும். இஞ்சி பூண்டு விழுது ரெடி செய்து கொள்ளவும். (இஞ்சி பூண்டு இரண்டையும் அரைத்து வெங்காயத்துடன் சேர்த்து அரைத்துக் கொள்ளலாம்.) வெங்காயம் பூண்டு இஞ்சி மூன்றையும் மிக்ஸியில் நைஸாக விழுதாக அரைத்துக் கொள்ளவும்.தனியாக தக்காளியும் இதேபோல் விழுதாக அரைத்துக் கொள்ளவும்.

ஒரு நான் ஸ்டிக் கடாயில் எண்ணெய் விட்டு அதில் பட்டை கிராம்பு பிரிஞ்சி இலை ஏலக்காய் பச்சை மிளகாய் சேர்த்து முப்பது செகண்ட் விட்டு பிறகு வெங்காய விழுதை சேர்த்து பச்சை வாசம் போக வதக்கவும். பிறகு தக்காளி விழுதையும் சேர்த்து நன்கு வதக்கிக் கொள்ளவும்.தக்காளி நன்கு வதங்கிய பிறகு அதில் வரமிளகாய் தூள் மஞ்சள் தூள் கொத்தமல்லி தூள் உப்பு சேர்த்து பொடியின் வாசம் நன்கு வர வதக்கிக் கொள்ளவும்.

மிக்ஸி கழுவிய தண்ணீர் எடுத்து வைத்திருந்து இப்போது இந்த கலவையில் கலந்து விடவும். ஒரு கைப்பிடி சன்னாவை தனியாக எடுத்து வைத்துக் கொள்ளவும். மீதியை வேக வைத்த உருளைக் கிழங்குடன் சேர்த்து கிரேவியில் சேர்க்கவும். தேவையென்றால் தண்ணீர் சிறிது சேர்த்துக் கொள்ளவும். ஒருகை சன்னாவை மிக்ஸியில் ஓடவிட்டு இந்த கிரேவியில் சேர்த்து நன்கு கலந்து விடவும். நன்கு கொதிக்க விடவும்

கடைசியாக அரை ஸ்பூன் சர்க்கரை கரம் மசாலா இரண்டையும் சேர்த்து ஒரு கொதி விடவும். அரிந்த கொத்தமல்லி தூவி அலங்கரிக்கவும். சுவையான ஆலு சென்னா மசாலா பூரி உடன் தயார்.