பத்து முந்திரிப்பருப்பை மிக்ஸியில் கரகரப்பாக ஒட்டிக் கொள்ளவும். பிறகு அதனுடன் ஒரு கப் தேங்காய் துருவலை சேர்த்து ஒரு சுற்று ஓட்டிக் கொள்ளவும்.(ஸ்டெப் புகைபடம் தவறுதலாக டெலீட் செய்து விட்டேன் அதனால் செய்முறை மட்டும் தருகிறேன். இப்படம் தேவை என்றால் ரேணுகா பாலா அவர்களின் கோகனட் பர்பி செய்முறையை பார்த்துக்கொள்ளவும்)

இப்போது ஒரு அடி கனமான பாத்திரம் அல்லது நான்ஸ்டிக் கடாயில் முந்திரிப்பருப்பு தேங்காய் அரைத்த விழுதை கொஞ்சம் நெய் சேர்த்து லேசாக வறுத்துக்கொள்ளவும். சிவக்க விடக்கூடாது.பிறகு கால் கப் பால் மற்றும் சர்க்கரை சேர்த்து மிதமான தீயில் நன்றாக கிளறிக் கொண்டே இருக்கவும். 5 நிமிடம் கழித்து ஒரு டேபிள்ஸ்பூன் நெய் சேர்த்துக் கொள்ளவும். கைவிடாமல் மிதமான தீயில் கிளறிக் கொண்டே இருக்கவும்.

நன்கு நுரைத்து ஓரம் ஒட்டாமல் வரும்போது பதம் பார்க்கவும்.இப்போது ஏலக்காய் பொடியை சேர்த்துக் கொண்டு ஒரு கிளறு கிளறி நெய் தடவிய தட்டில் ஊற்றி கால் மணி நேரம் வரை ஆறவிடவும் பிறகு துண்டுகளாக வெட்டிக் கொள்ளவும். மேலே ஒரு முந்திரிப்பருப்பு மற்றும் ஒரு சிட்டிகை அளவு குங்கும பூவை தூவினால் நன்றாக இருக்கும். தேங்காயுடன் முந்திரிப்பருப்பு சேர்த்து அரைத்து அதனுடன் குங்கும பூ மேலே தூவி இருப்பதால் அருமையான மணத்துடன் இனிப்பான சுவையான தேங்காய் பர்பி கிடைக்கும்.

நம் வீட்டில் ஏதாவது விசேஷம் என்றால் மிக விரைவாக இந்த இனிப்பை செய்து விடலாம்.மேலும் குறைவான நெய்யாகவும் இருக்கும் அதிகம் செலவு வைக்காத. மேலே குங்குமப்பூ தூவுவதால் குங்குமப்பூ வாசத்துடன் நல்ல ரிச்சான இனிப்பாக விருந்தில் இருக்கும்.