முதலில் தேவையான பொருட்களை எடுத்து வைத்துக் கொள்ளவும்.

ஒரு கப்பில் புதினா கொத்தமல்லி சட்னிஇட்லி மாவுடன் கலந்தது. அடுத்த கப்பில் தக்காளி தொக்கு இட்லி மாவுடன் கலந்தது. இன்னொரு கப்பில் இட்லி மாவு எடுத்து வைத்துக் கொள்ளவும்.

இப்பொழுது இட்லித் தட்டில் எண்ணெய் தடவி முதலில் கொத்தமல்லி சட்னி கலந்த இட்லி மாவை லேசாக ஊற்றவும்.அடுத்து சாதா இட்லி மாவை ஊற்றி கடைசியாக தக்காளி தொக்கு கலந்த இட்லி மாவை ஊற்றி பத்து நிமிடம் வேக வைக்கவும்.

இப்பொழுது நன்கு வெந்து மூவர்ண இட்லியாக காட்சியளிக்கும். இது இயற்கையான கலரில் செய்திருப்பதால் குழந்தைகளுக்கும் பெரியவர்களுக்கும் ஏற்றதாக இருக்கும்.

இதற்கு தொட்டுக்கொள்ள சாம்பார் நன்றாக இருக்கும். அப்படியே கூட சாப்பிடலாம்.