கீரை, தேங்காய், கேரட் பொரியல் சாதம் (Spinach, Coconut,Carrot fry rice recipe in tamil)

வாணலியை ஸ்டவ்வில் வைத்து எண்ணை ஊற்றி கடுகு, உளுந்து, கடலை பருப்பு சேர்த்து, நறுக்கிய வெங்காயம், பச்சை மிளகாய் சேர்த்து வதக்கி, பின்னர் நறுக்கி வைத்துள்ள கீரையை சேர்ந்து நன்கு வதக்கி, வெந்ததும் தேங்காய் துருவை சேர்த்து இறக்கி னால் கீரை பொரியல் தயார்.

அதே வாணலியில் பாதி கீரையை எடுத்துவிட்டு சாதம், கொஞ்சம் உப்பு சேர்த்து கலந்து ஒரு ஸ்பூன் நெய் சேர்த்து நன்கு கலந்து இறக்கினால் சுவையான கீரை சாதம் தயார்.

வாணலியை ஸ்டவ்வில் வைத்து எண்ணை சேர்த்து கடுகு, கடலை பருப்பு சேர்த்து வதக்கி, அத்துடன் நறுக்கிய வெங்காயம், வற்றல் மிளகாய் சேர்த்து வதக்கி, அத்துடன் துருவிய தேங்காய் உப்பு சேர்த்து கலந்தால் தேங்காய் பொரியல் தயார்.

வாணலியை ஸ்டவ்வில் வைத்து சூடானதும் எண்ணை, கடுகு, உளுந்து, கடலைப்பருப்பு சேர்த்து வதக்கி, துருவி வைத்துள்ள கேரட் சேர்த்து, அத்துடன் உப்பு, மிளகாய் தூள் சேர்த்து கலந்து வெந்ததும் தேங்காய் துருவல் சேர்த்து கலந்து இறக்கினால் கேரட் பொரியல் தயார்.

அதே வாணலியில் சாதம் சேர்த்து கலந்து ஒரு ஸ்பூன் நெய், உப்பு சேர்த்து நன்கு கலந்து இறக்கினால் சுவையான கேரட் சாதம் தயார்.