பச்சரிசியை 3மணி நேரம் ஊற வைத்து வடிகட்டி ஆற வைத்து மாவாகப் பொடித்து வைக்கவும். இதனுடன் ஏலக்காய் தூள், எள் சேர்த்து நன்கு கலந்து வைக்கவும்.

ஒரு அடி கனமான பாத்திரத்தில் வெல்லத்தை தூளாக்கிப் போட்டு சிறிதளவு தண்ணீர் சேர்த்து கரைந்ததும் வடிகட்டித் திரும்பவும் பாத்திரத்தில் ஊற்றி பாகுக் காய்ச்சவும். தண்ணீரில் பாகை ஊற்றினால் கரையாமல் உருண்டு வரவேண்டும். இதுவே பதம்.

அடுப்பில் இருந்து இறக்கி சிறிது சிறிதாக மாவை சேர்த்து நன்கு கலந்து வைக்கவும் பின்னர் மேலே நெய் தடவி லேசான துணியால் பாத்திரத்தை மூடி கட்டி வைக்கவும். 2 அல்லது 3 நாட்கள் ஊறிய பின் தேவையான அளவு மாவைத் தட்டி எண்ணெயில் பொரித்து எடுத்து அழுத்தி எண்ணெய் வடியவிட்டு எடுத்தால் அனைவருக்கும் மிகவும் பிடித்த அதிரசம் ரெடி.