பச்சரிசியை 4 முறை கழுவி தண்ணீரை வடிகட்டி வேறு தண்ணீர் ஊற்றி 2 மணி நேரம் வரை ஊறவைத்து பின் தண்ணீரை வடிகட்டி சுத்தமான மஸ்லின் துணியில் பரப்பி மின்விசிறி அடியில் நிழலில் உலரவிடவும் அரிசியை கைகளில் தொடும் போது சிறிது ஈரம் இருக்க வேண்டும் அப்போது மிக்ஸியில் சிறிது சிறிதாக போட்டு பொடி செய்து கொள்ளவும்

பின் நன்றாக ஒரு முறை ஜலித்து கொள்ளவும் பின் சர்க்கரை உடன் தண்ணீர் ஊற்றி கொதிக்க விடவும்

பின் சர்க்கரை கரைந்து பாகு வரும் வரை மெல்லிய தீயில் நன்கு கொதிக்க விடவும் கூட ஏலக்காயை பொடி செய்து போடவும் ஒரு கம்பி பதத்திற்கு சற்று முன் ஜெல் பதத்தில் எடுக்கவும்

பாகு இந்த மாதிரி ஜெல் பதத்தில் இருப்பது அவசியம்

பின் அரிசி மாவுடன் சிறிது சிறிதாக பாகை ஊற்றவும் மொத்தமாக ஊற்ற கூடாது பாகு சூடாக இருக்கும் போதே மாவுடன் சேர்த்து கலந்து கொள்ளவும்

பின் அதை உருண்டைகளாக உருட்டி கொள்ளவும்

மாவு பிசையும் போதே சற்று அழுத்தி அடித்து வெடிப்பு வராம பிசைய வேண்டும்

பின் விளக்கு செய்ய நன்கு வெடிப்பு இல்லாமல் அழுத்தி பிசைந்து நடுவில் கட்டை விரலால் குழி செய்யவும்

மாவு இளகி வந்தால் இன்னும் கொஞ்சம் அரிசி மாவு கலந்து அழுத்தி பிசையவும் இப்போது விளக்கு ரெடி

அடுத்ததாக ஒரே மாதிரி உள்ள டம்ளரில் உள்புறமாக நெய் சிறிதளவு தடவி பிசைந்த மாவை சிறிது சிறிதாக அடியில் இருந்தே அழுத்தி வைக்கவும் பின் இதை 1 மணி நேரம் வரை வைக்கவும் பின் கவிழ்த்து எடுக்கவும்

மாவிளக்கு ரெடி செய்ய செய்ய நன்றாக வரும் பாகு பதம் முக்கியமானது

இதே போல் வெல்லம் பயன்படுத்தியும் செய்யலாம்

மேற்கூறிய முறையில் பாகு பதம் எல்லாம் அதுவேதான் ஏலக்காய் கூட சுக்குத் தூள் சேர்த்து நன்கு பாகு எடுக்கவும் நன்கு அழுத்தி அடித்து வெடிப்பு வராம பிசைய வேண்டும்