தேவையான பொருள்களை எடுத்துக் கொள்ள வேண்டும்
சிக்கனை நன்றாக கழுவி தண்ணீர் இல்லாமல் வடித்து வைக்கவும்.

கழுவிய சிக்கனில் தயிர், மிளகாய் தூள்,மஞ்சள் தூள்,உப்பு சேர்த்து கலந்து குறைந்தது 30 நிமிடங்கள் ஊற வைக்கவும்.

வாணலியில் எண்ணெய் விட்டு பிரியாணி இலை, கிராம்பு,பட்டை, ஏலக்காய்,இஞ்சி,பூண்டு மற்றும் நறுக்கிய வெங்காயம் சேர்த்து முக்கால் பதம் அளவிற்கு வதக்கி அரைத்து வைக்கவும்.

தக்காளியை அரைத்து விழுதாக்கவும்.

கடாயில் எண்ணெய் விட்டு,அரைத்த வெங்காயம் விழுதை சேர்த்து நன்றாக வதக்கவும். இதனுடன் தக்காளி விழுதை சேர்த்து வதக்கவும்.

பின் மிளகாய் தூள், மஞ்சள் தூள், மல்லித்தூள்,கரம் மசாலா,சீரகத்தூள் சேர்த்து கலந்து விடவும்.

பின்,சிக்கன் துண்டுகள் சேர்த்து ஐந்து நிமிடங்களுக்கு நன்றாக கலந்து விடவும்.

சிக்கன் வெந்து எண்ணெய் பிரிந்து வந்ததும்,ஆம்சுர் பவுடர், கஸ்தூரி மேத்தி சேர்த்து கலந்து மேலும் 5 நிமிடங்களுக்கு மூடி போட்டு கொதிக்க விடவும்.

பின்,கடைசியாக மல்லித்தழை தூவி இறக்கவும்.

அவ்வளவுதான். சுவையான பஞ்சாபி சிக்கன் கிரேவி ரெடி.

இது சாதம் மற்றும் சப்பாத்தி, பரோட்டா, நாண் இவற்றிற்கு நன்றாக இருக்கும்.