முதலில் பிரியாணி மசாலாவிற்கு கொடுக்கப்பட்டுள்ள பொருட்களை அரைத்து எடுத்துக்கொள்ளவும்... பிறகு இஞ்சி பூண்டு புதினா கொத்தமல்லி பச்சை மிளகாயை கரகரப்பாக அரைத்துக் கொள்ளவும்

சிக்கனை பெரிய துண்டுகளாக வெட்டி இரண்டு முறை நன்றாகக் கழுவிக்கொள்ளவும் பிறகு சிக்கனுடன் அரைத்த இஞ்சி பூண்டு விழுது மசாலா பாதி மசாலா மட்டும் சேர்க்கவும்.. (மீதி மசாலா அரிசியுடன் சேர்க்கும்போது சேர்க்க வேண்டும்)

மிளகாய்த்தூள், மஞ்சள்தூள், தயிர் சேர்க்கவும்

பொரித்த வெங்காயம், நெய்,புதினா, கொத்தமல்லி, எலும்மிச்சை பழம் சேர்த்து நன்றாக கலந்து குறைந்தது ஒரு மணி நேரம் ஊற வைக்கவும்

ஒரு மணி நேரம் கழித்து கடாயிலியில் ஊற வைத்த சிக்கனை சேர்த்து அதனுடன் உப்பு எண்ணெய் சேர்த்து நன்றாக 5 நிமிடம் மிதமான தீயில் கிளறி குறைந்த தீயில் வைத்து சிக்கனை முக்கால் பதத்திற்கு வேக வைக்கவும்

மற்றொரு பாத்திரத்தில் தண்ணீர் உப்பு பட்டை லவங்கம் ஏலக்காய் சேர்த்து நன்றாக கொதிக்கவிடவும் தண்ணீர் கொதித்து வந்த பிறகு ஊற வைத்த பாசுமதி அரிசியை சேர்த்து (முக்கால் பதத்திற்கு வேக வைக்கவும் தொட்டுப் பார்த்தால் சற்று வெந்ததும் இருக்க வேண்டும்)

இப்போது பிரியாணி பாத்திரத்தில் முதலில் அரிசியை சிறிது சேர்க்கவும் பிறகு அதன்மேல் முக்கால் பதத்திற்கு வேக வைத்த சிக்கனை சேர்க்கவும் பிறகு சிறிது சேர்க்கவும்

நெய் சிறிது சேர்க்கவும் பிறகு வேக வைத்த அரிசி பிரியாணி மசாலா சிறிது அதன் மேல் வேக வைத்த சிக்கன் மசாலா சிறிது பிறகு பொரித்த வெங்காயம் புதினா கொத்தமல்லி இலை ஆகியவற்றை சேர்க்கவும்

இதேபோல அடுத்த அடுக்காக வேகவைத்த அரிசி சிறிது பிரியாணி மசாலா வேகவைத்த சிக்கன் பொறித்த வெங்காயம், சிறிது புதினா, கொத்தமல்லி, குங்குமப்பூ கலந்த பால் என அடுத்தடுத்து சேர்க்கவும்

இதேபோல் மூன்று அல்லது நான்கு அடுக்குகளாக மாற்றி மாற்றி வைக்கவும் இறுதியாக வேக வைத்த அரிசியை மேல் வைத்து அதன் மேல் பிரியாணி மசாலா, புதினா கொத்தமல்லி பொரித்த வெங்காயம், குங்குமப்பூ கலந்த பால் ஊற்றி பாயில் சீட்டால் அல்லது காற்று புகாதவாறு துணியால் மூடி அதன் மேல் மூடி வைத்து காற்று புகாதவாறு வைக்கவும்

பிறகு தோசை சட்டியை சூடு செய்து குறைந்த தீயில் வைத்து அதன் மேல் பிரியாணி பாத்திரத்தை வைத்து 30 நிமிடம் வேக வைக்கவும்

30 நிமிடம் கழித்து அடுப்பை அணைத்து பதினைந்து நிமிடம் கழித்து திறந்து மெதுவாக கிளறவும்

சுவையான ஹைதராபாத் சிக்கன் பிரியாணி தயார்

குறிப்பு: அரிசி மட்டும் சிக்கன் முக்கால் பதத்திற்கு வெந்து இருக்க வேண்டும்... தோசை சட்டியின் மேல் வைத்து வைப்பதினால் அடி பிடிக்காமல் இருக்கும் நேரடியாக அடுப்பில் வைத்தால் அடி பிடிக்கும்... அரிசியை வேக வைக்கும் போது கிளறிக் கொண்டே இருக்க கூடாது அப்படி கிளறிக்கொண்டே இருந்தால் அரிசி உடைந்துவிடும் அவ்வப்போது மெதுவாக கிளறவேண்டும்... சிக்கனை வேக வைக்கும் போது தண்ணீரை ஊற்றக்கூடாது ஊற்றினால் சுவை மாறிவிடும் சிக்கனில் இருந்து வரும் தண்ணீர் போதுமானதாக இருக்கும்