தேவையான பொருட்களை எடுத்துக் கொள்ள வேண்டும்.
3பருப்புகளையும் கழுவி 20நிமிடங்கள் ஊற வைக்கவும்.

குக்கரில் 1டேபிள் ஸ்பூன் நெய் விட்டு,சீரகம் மற்றும் நீளமாக நறுக்கிய இஞ்சி சேர்த்து லேசாக வதக்கி,ஊற வைத்த பருப்பை சேர்க்கவும்.

பின் குழம்புக்கு தேவையான அளவு தண்ணீர்(600ml) சேர்க்கவும்.இதனுடன் மஞ்சள் தூள் மற்றும் உப்பு சேர்த்து மூடி,5விசில் விட்டு எடுக்கவும்.

கடாயில் 2டேபிள் ஸ்பூன் நெய் விட்டு முதல் தாளிப்பில் கொடுத்துள்ள, சீரகம்,நறுக்கிய இஞ்சி,பூண்டு, நறுக்கிய வெங்காயம்,மிளகாய், வரமிளகாய் சேர்த்து வதக்கவும்.

வதங்கியதும்,தக்காளி சேர்த்து வதக்கவும்.பின் மிளகாய் தூள்,மஞ்சள் தூள்,கரம் மசாலா,மல்லி தூள்,கஸ்தூரி மெதி, ஆம்சூர் பொடி சேர்த்து கலந்து விட்டு மசித்த பருப்பு சேர்க்கவும். 5நிமிடங்களுக்கு நன்றாக கொதிக்க விடவும்.

கொட்டாங்குச்சி நெருப்பில் வாட்டி கரித்துண்டுகளாக்கி, ஒரு பாத்திரத்தில் வைத்து,கடாயினுள் வைத்து,மூடி போட்டு 3 நிமிடங்களுக்கு வைக்கவும்.
இது smokey flavour கொடுக்கும்.
இம்முறையை ரெஸ்டாரன்ட் களில் பயன்படுத்துவார்கள்.

விரும்பினால் இவ்வாறு செய்யலாம்.

பின்,உள்ளே வைத்த கிண்ணத்தை எடுத்து விட்டு,அடுப்பை அனைத்து மல்லித்தழை தூவி,வேறு பாத்திரத்திற்கு மாற்றவும்.

கடைசியாக, வாணலியில் 1டேபிள் ஸ்பூன் நெய்யில்,சீரகம், மிளகாய் தூள்,பெருங்காயத்தூள் மற்றும் வத்தல் சேர்த்து தாளித்து பருப்பில் சேர்க்கவும். மிகச் சுவையாக இருக்கும்.

அவ்வளவுதான். சுவையான,பஞ்சாபி தால் தட்கா ரெடி.

இது சாதம் மற்றும் சப்பாத்திக்கு நன்றாக இருக்கும்.