நேந்திரம் சிப்ஸ் (nendram chips recipe in Tamil)

நேந்திரம் வாழைக்காயை தோலை எடுத்து தண்ணீரில் போடவும்..

வாழைக்காயை தண்ணீரிலிருந்து எடுத்து ஒரு துணியில் துடைத்து அதன் பிறகு மெல்லியதாக சீவிக் கொள்ளவும்.. ஒரு கிண்ணத்தில் உப்பு மஞ்சள்தூள் சேர்த்து அரை கப் அளவு தண்ணீர் சேர்த்து கரைத்துக் கொள்ளவும்..

கடாயில் எண்ணெய் சூடு செய்து அதில் சீவி வைத்துள்ள ஒரு வாழைக்காயை சேர்த்து இரண்டு ஸ்பூன் அளவு கரைத்து வைத்துள்ள உப்பு, மஞ்சள் கலந்த தண்ணீரை எண்ணெயில் சுற்றி விடவும்..

எண்ணெயில் தண்ணீர் விடுவதால் லேசாக சத்தம் கேட்கும் பயப்பட வேண்டியதில்லை.. எண்ணெயில் ஒவ்வொரு முறையும் வாழைக்காயை சேர்க்கும் போதும் இவ்வாறு மஞ்சள் கலந்த தண்ணீரை விட வேண்டும்.. வாழைக்காய் அந்த மஞ்சளையும் உப்பையும் உறிஞ்சிக்கொள்ளும்.. தீயை முதலில் மீடியம் ஆகவும் பிறகு சிம்மில் வைத்து நிறம் மாறாமல் பொரித்தெடுக்கவும்..

இப்போது அருமையான கிரிஸ்பியான நேந்திரம் சிப்ஸ் தயார்..