முதலில் வேர்க்கடலையை லேசாக கடாயில் வறுத்துக் கொள்ளவும் நிறம் மாறக் கூடாது.. வறுத்த வேர்க்கடலையை ஆறவிட்டு அதன் தோலை நீக்கி கொள்ளவும்..

மிக்ஸி ஜாரில் சேர்த்து பல்ஸ் மோடில் அரைத்துக்கொள்ளவும் தொடர்ந்து அரைத்தால் எண்ணெய் வெளியே வந்து விடும் அதன் பிறகு ருசி நன்றாக இருக்காது.. அரைத்த வேர்க்கடலையை நன்றாக சலித்துக் கொள்ளவும்..

சர்க்கரையை எடுத்து கடாயில் சேர்த்து தண்ணீர் விட்டு ஒரு கம்பி பதத்திற்கு காய்ச்சவும்

ஒரு கம்பி பதம் வந்ததும் நாம் பொடி செய்து வைத்துள்ள வேர்க்கடலையை அதனுடன் சேர்த்து நன்றாக கலந்து லேசாக சுருண்டு வரவேண்டும் அதிகமாக சுருண்டு வந்தால் ஆறிய உடன் உதிர்ந்துவிடும்.. உருட்டுவதற்கு வராது..

சரியான பதமா என்று தெரிந்து கொள்வதற்கு ஒரு சிறிய தட்டில் கொஞ்சம் எடுத்து போட்டு கையில் உருட்டினால் உருட்ட வரவேண்டும் அதுதான் பதம்.. இறுதியாக நெய் சேர்த்து ஒரு தடவை கலந்து நெய் தடவிய தட்டில் கொட்டி ஆறவிடவும்

இப்பொழுது தயார் செய்து வைத்துள்ள பேடாவை உருண்டைகளாக உருட்டி நடுவில் லேசாக அமுக்கினால் பள்ளமாக இருக்கும் அதில் ஒரு கிராம்பை வைத்தால் பார்ப்பதற்கு ஆப்பிளின் காம்பு போலிருக்கும்...

ஒரு சிறிய கிண்ணத்தில் ஃபுட் கலரை எடுத்து அதில் இந்த பிரஸ்சை முக்கி பேடா மீது லேசாக மேலே தேய்க்கவும் பார்ப்பதற்கு ஆப்பிள் போலவே இருக்கும்..

இப்போது சுவையான இனிப்பான வேர்க்கடலை பேடா தயார்..